نام کاربری یا نشانی ایمیل
رمز عبور
مرا به خاطر بسپار
بنده اوروج داداشی(ائلمان)،۱۳۵۶اینجی ایلینین شهریور آیی نین ۲۵گۆنۆنده یام یاشیل قاراداغین کلیبر ماحالی نین تازا کند کندینده آنادان اوْلموشام،۶یاشیندا عائیله ایله کؤچۆب ایلخیچی شه هه رینه گلمیشم،بوشه هرده دیپلم آلیب ،اوْشاق واخلاریندا شعر یازماقا ماراق گؤسترمیشم،کلاسیک وآغیز ادبیاتیندا یازماغا باشلامیشام،ایندیده یارادانین یاردیمی ایله داوام ائدیرم،ائلیمه،دیلیمه باغلییام.
«قلم» سنی یار اؤلچوده طالع، منه قیسمت وئره جک اۆره ییمدن دوْغولان سئوگییه، قیمت وئره جک
بیلیرم دوْغرو گؤزللیک پایی گلمک ده یقین سیناییب عاشیقینی، جان دوْلو حسرت وئره جک
اۆزو قیبله م ساری، گؤز یاشلاریمین حۆسنو بودور ایکی یاردان بیریسی، کؤنلومه دیققت وئره جک
بیری حق دیر، من اوْنون لوطفونه وار دیر اومودوم بیری سن سن قلمیم، حق سنه حؤرمت وئره جک
آیاغین یۆنگول اوْلوب، غم قاپیسی باغلاناجاق گلیشین بیر داهادا سئوگییه فورصت وئره جک
غزلین باغرینا کؤچ، کؤنلونو حکمتلی یاشات اۆره ییم بوْیدا اوجال، ائل سنه قودرت وئره جک
واراغین باغرینی اینجیتمه، گیلئی دن اوزاق اوْل یئری گلجک سنه قوْینوندا دا، جنّت وئره جک
قلمیم نون سؤزو، اوْلسون کی همین نور سؤزو دور قلم آیدینلیغا دوْغرو، ائله نصرت وئره جک
ائله یاز سؤزله ریمی، هم اوْخویان، هم ائشیدن اۆره ییندن، سنه آلقیش کیمی ثروت وئره جک
بولاغ اوْل قوْی آخارین اَیرینی – دۆزدن آییرا دنیز اوْلجاق، آخیشین یوردوما لذّت وئره جک
سئویلن کلمه لرین قلبینی فتح ائیله، اینان ائلیم آرخاندا دوروب، بیل سنه جرأت وئره جک
یارالی سؤزله رینن، یارما اۆره کلرین یاراسین یاردان، هر یارادان، ائللره عبرت وئره جک
یئنه سؤزلر هؤرویون آچ دارا بیر نازلی غزل دارا چکمکده اوْ ساچلار، منه مؤهلت وئره جک
ائلی آذر، یئری بایجان، دیلی تۆرکون بئشییی آدی نین وورغونام، ائلمانا عزّت وئره جک
#ا.د.ائلمان *********************** وئریب بو دنیانی نامرد الینه هایاندان گئدیرسن هایانا انسان!؟ انسالیق قیهاسین چکه الهی هه ره سن یوخودان اویانا انسان!
نه اولار آختارا ایتن لر اوزون او دردلی داغ لاردا دانیشا سوزون ازلدن دونیایه آچاندا گوزون حقیقت رنگینه بویانا انسان!
دوز چورک، محبت اولماز بازار دا نه گوزل دنیالار واردی یازار دا دولان بو یئرلری گاهدا-گذاردا قیما انسانلیغی یوبانا انسان! #ساچلی ******* ****************************** تهیه و تدوین :پونه اصغر پور تنظیم.: رامک تابنده
این مطلب بدون برچسب می باشد.