اشعار شاعران ترک زبان ایرانی

اشعار شاعران ترک زبان ایرانی مخاطب رسانه با پونه اصغر پور

موسی فتحی متخلص به ادیب اردبیلی
متولد ۳۰ شهریور ۱۳۵۸ شهر اردبیل
نویسنده و شاعر به دو زبان ترکی و فارسی
فعال فرهنگی و اجتماعی

عشق غائله سی

نه ساده ام که خیال ایتدیم آب زم زمدی
او جرعه کی منه وردون‌ شراب ماتم دی
نه خوشخیالیدیم آخر، سنیلن اولماغیمی
بهشت فرض ایلمیشدیم ولی جهنمدی
غبار غم بوریوب چهره می ، پریشانم
گیندیگیم نچه ایللردی جامه ی غم دی
سالیبدی زلزله چوخدان وجودیمه غملر
او حاله قالمیشام آخر باخان دیر بم دی
بو کهنه دهریده چوخداندی عاشقین قدی
جفا و غصه ء جانسوز یاریدن خم دی
نقدر شکوه ائدم درد عشقیدن لیکن
گینه اورک سنیلن هم نشین و همدم دی
غرض ختامه یتیشدی کلام منظومیم
و عشق غائله سی ، هرنه من دیسم کم دی

#موسی فتحی متخلص به ادیب اردبیلی

اصغر تقایی
متولد اردبیل ۱۳۵۳
کارشناس ارشد علوم ارتباطات اجتماعی
ترانه سرا ، شاعر و محقق فولکلور آذربایجان

زمانه دن گیلئییم وار فلک قان اندره سن
قورورسان اووچی کیمی هئی کلک قان اندره سن

آلیبسان الده بو انسانلاری سیخیب ازیسه ن
قاچانماییر بیری سالیم گورک قان اندره سن

سویورسان آل لئچه یی هر کیمین باشیندان سن
سالیرسان آل یئرینه بوز لئچه ک قان اندره سن

گونش چیخیر بیزه هر دم وئره نوروندان پای
دوزنمئییب اویادیرسان کوله ک قان اندره سن

قزیل دن آرزو ائدیرسن گئییم لری بول بول
اوغورلئییب آپاریرسان ایپک قان اندره سن

آچاندا خول بوداغی شن لیگین یاشیل آغاجی
ووروب دولو سالیسان گول چیچک قان اندره سن

بیزیم کی گوج یوخوموز سن له بیر دوروب گوله شه ک
اومید کی تانری ائده بیر کمک قان اندره سن

گوروم گولوش گولونو گول دوداقدا گولله نسین
آخیردا گون چیخاجاق سن گرک قان اندره سن

#اصغر تقایی

تنظیم ،پونه اصغر پور

دبیر شعر شاعران ترک زبان رسانه