اشعار شاعران مخاطب ترک زبان ایران در رسانه ایرانیان اروپا
ذکر علی شهبازی ، تولد ۵۱/۷/۲
روستای دوشر از توابع شهرستان هشترود
آختاریرام
دؤنملرده ایتیردیمی گزیرم
اؤزوم اؤزلویومی دوز آختاریرام
سورقولایب گئچمیشلردن یازیرام
عاریف اینسانلاردان سؤز آختاریرام
دولانیب دونیانی گزیرم بیر بیر
عاریفدن عاغیلدن یازیرام بیر بیر
یاراماز یالتاغدان بئزیرم بیر بیر
بیر صیفت بیر اوزلی اوز آختاریرام
تاریخیمدیر کیملئیمین اویغونی
دلی کؤنلوم اولوب خسته وورغونی
گئچمیش لئلی منده اولدوم مجنونی
سئودیگیم دیلبردن ناز آختاریرام
منیم منلیگیمه چارپاز باخانلار
کدرلنمیش اوریئمی سیخانلار
اوخ ویریب دالیدان قمه سوخانلار
ایینه باسانلارا بیز آختاریرام
باهار اولام بزک وئرم داغیما
قیمت وئرم اؤز سولوما ساغیما
یغیب توپپالایام اؤز بوجاغیما
چوخون توپلامیشام آز آختاریرام
گئتمرم دای اؤزگه لره اودونا
آلیشمارام آتشئنه او تونا
آنالاریم پیشیردئینین دادینا
بابا اوجاغیما کؤز آختاریرام
عاریف اولان ذاتی کؤکون گؤزلئیه
عاقیل اولان اؤزلویونی ایزلئیه
صادیق اولان گؤردویونی دوز دئیه
اؤزومی گؤرمیه گؤز آختاریرام
خائنلرین ایکی گؤزو کور اولسون
دیل باغلانا قولاقلاری کار اولسون
مینلری یوز یوزی الله بیر اولسون
بیرینده گؤزونه بوز آختاریرام
وورغون اورکلرده دوز خیاللارا
باغ بوستانا داغ دئنیزه چؤللره
خزان ویریب واخسیز سولان گوللره
یئنی چیچکلنن یاز آختاریرام
ذکرعلییم چوخ ایستئیر اوریئم
بودور تکجه درین آرزو دیلیئم
چوخدو زری آل قوماشیم ایپیئم
ایندی بزه مئیه بئز آختاریرام
ذکر علی شهبازی
سلیمان کرمی تخلص ( جهانگیر)
متولد تبریز۱۳۳۹معلم بازنشسته
.ناشر(انتشارات کمائه درتبریز)کتاب های نوقلمان (سراسری)مولف،(رمان فارسی ده جلد چاپ وپخش شده)شاعر (درحال سرودن ۲۰۰غزل فارسی و۲۰۰غزل ترکی که درحال اتمام می باشد)
“جان جان!”
قال سلامت جان جان جانین امانیمدیرمنیم
فکر یاریم خوش گئلیرتاب و توانیمدیر منیم
چون نگارین دردی قلبیمدن اوزولمور هئچ زمان
خوش خبرلر واردی احساس نهانیمدیرمنیم
واردی زیبا صورتی یارین یقین ائیلر هامی
فکر زیبا یار زیبادن جهانیمدیر منیم
گورماق ایسترحسرتیلن آرزوسی قلبیمین
حسرتیم واریاره عاشق خسته جانیمدیر منیم
آختاریر قلبیم نگاری گوزلریم یار ایسته ییر
یاری آختارماق بوعالمده نشانیمدیر منیم
وئرسه هرکیم بیر خبر اوندان ائوی آباد اولا
خیر گورسون گورسه دن چون دلستانیمدیر منیم
باش قویوب بالینیمه گوردوم خیالیمده اونی 
هرنه سوز دیل سویله ییر اوندان بیانیمدیرمنیم
کاش اولیدیم قوش قونیدیم دام یارایچره قالام
چون گوشام دامیندا حسرت فکر دانیمدیر منیم
عاشقم ویلان وسرگردان یوخومدور راحتیم
شاداولام سنسیز سنین قلبین مکانیمدیر منیم
بیر چئتین سیز عالمی سنلن تمنا ائت میشم
سوزلرین دایم منیم ورد زبانیمدیر منیم
چون (جهانگیر)آیری لیق دردیله صحبت ائیله ییر
قلبیم آکه دیر گئلرروح وروانیمدیرمنیم
سلیمان کرمی ( جهانگیر )
تهیه:پونه اصغر پور
تنظیم رامک تابنده
ارسال دیدگاه