نام کاربری یا نشانی ایمیل
رمز عبور
مرا به خاطر بسپار
مهدی ستاری ، از خطه آذربایجان، شهرستان ارومیه، متولد چهرگان، شاعر ترک با تخلص مهدی ***************** انسان گَرَک ئوز شَرَفین ساتمیا ظالیملرین کؤلگه سینده یاتمیا
ایسته دیگی منزلته دهریده ظولمه دایاق اولماقینان چاتمیا
دامارداکی قاندی وطن جهد ائده پاک قانینا باشقا قانی قاتمیا
دانیشماقدا سایقی وئره ذاتینا ئوز دیلیندن آنادیلین آتمیا
کیشی دئمزلر اوناکی آغلاماز کیشی اؤدور هچ کسی آغلاتمیا
دونیا بش اون گوندی یاشا دوز یاشا تاکی آدین یامان یئرده باتمیا
مهدی ستاری **************************** «اورمو گؤلوم» یئتیشین اورمو گؤلون چولقادی افغان یئتیشین یئتیشن اولماسا یوْخ دردینه درمان یئتیشین
قورویوب کیملر الیندن بله شیب اؤز دوزونا بو حماقت اوزون ایللردی چکیب دیر اوزونا گۆنو گؤی اسگی ده دیر، کؤلگه دۆشوب اولدوزونا وئریلیب دیر دئیه سن قتلینه فرمان یئتیشین یئتیشن اوْلماسا یوْخ دردینه درمان یئتیشین
اوزون ایللر بویو بیر دوزلو گلینمیش وطنه قوجاغین دوزلو آچیرمیش هامی یولدان یئتنه قوروموش جمدیه دؤنجک، اوْنا دوزدور اتنه داها یوخدور دؤزومو، وئرمه یه سامان یئتیشین یئتیشن اوْلماسا یوْخ دردینه درمان یئتیشین
قوجالان بیر قاری تک دای بوغازیندان هایی یوْخ قیش اوْلوب عؤمرو بۆتون، خوش یاشانان هئچ یایی یوْخ قورویوب دور گؤزه سی اؤز آخاریندان چایی یوْخ کسیلن یئرده سویو، اولمویا قوربان یئتیشین یئتیشن اوْلماسا یوْخ دردینه درمان یئتیشین
اۆره یی چاغلاماسا تئز یئتیشر اؤز صونونا قورویوب اَینی باشی تام بۆرونر دوز دوْنونا قارا یئلدن آجیلیق یئتمه ده اوندان – اوْنونا اوْلاجاق دوز یئلی بیر قورخولو توفان یئتیشین یئتیشن اوْلماسا یوْخ دردینه درمان یئتیشین
نفسی اولماسا بیزدنده نفس یوْخ اوْلاجاق یئلی نن پایلاناجاق دوز آجیمیز چوْخ اولاجاق آدی دوز، دوْغروسو هر بیر اۆره یه اوْخ اولاجاق قورویان ائل گؤزودور، بئیله نمایان یئتیشین یئتیشن اوْلماسا یوْخ دردینه درمان یئتیشین
اؤزو بیر درده دؤنوب اورمون گؤلون کیم قورودور یارادیب بیر آلاهی غوصصه چؤلون کیم قورودور سیزی تانریز بو سوچو بیرجه بؤلون کیم قورودور اینانیب ساخلادیغیز الده کی قرآن یئتیشین یئتیشن اوْلماسا یوْخ دردینه درمان یئتیشین
بئله بیر درد، هاچان هاردا گرک آغلامالی قورویوبدور گؤزوموز، ایندی اۆرک آغلامالی ییخیلان یئردن ندن یوخدو دیرک، آغلامالی ایشیمیز ترسه دۆشوب دور، هامی حئیران یئتیشین یئتیشن اوْلماسا یوْخ دردینه درمان یئتیشین
نه گۆناهین یئیه سی اوْلدو گؤرن اورمو گؤلوم یاخاسیندان یاپیشیب بئیله چتین لیکله اؤلوم آراسیندان یول آچیب، ائیله دیلر کۆنده بؤلوم ییغیشین بیر یئره آشکار، یادا پونهان یئتیشین یئتیشن اوْلماسا یوْخ دردینه درمان یئتیشین
بو اؤلوم سیندیراجاق بوردا حیات کؤرپوسونو قوراجاق یوردوموزا گیزلی ممات کؤرپوسونو قورودانلار تانیییرلارمی صراط کؤرپوسونو یاناجاقلار، بیزی یاندیرسادا دؤوران یئتیشین یئتیشن اوْلماسا یوْخ دردینه درمان یئتیشین
نه گرک ترسه دۆشۆنجئیله ائلین قلبی یانا هارایی چاتمایا هئچ بیر یئره سس سیز دایانا سینانان غیرتیمیز وار، جوشاجاق گلسه جانا سؤزو چوخ یازماغی درددیر، دئییر ائلمان یئتیشین یئتیشن اوْلماسا یوْخ دردینه
اوروج داداشی ائلمان ***************************** تهیه: پونه اصغر پور تنظیم: رامک تابنده
این مطلب بدون برچسب می باشد.