شعر معاصر، شعر زمان‌

“سن گئده لی” شاعران مخاطب ترک زبان ایران در رسانه ایرانیان اروپا

منصور لشکری مولان ۱۳۶۲/۲/۲ یکی از روستاهای شهرستان کلیبر بنام دهستان مولان دیده به جهان گشود
دستاوردهای این شاعر يک کتاب که‌ در دست تدوین و تکمیل و آماده چاپ میباشد

**************
“قوجالدیم ”
بو تئزلیغا قوجالمازدیم آ دوستوم
دئیم بیل کی؛ نئجه ،نییَه قوجالدیم
آیریلیقدان شان شان اولدو اورَییم
آه و نالَم چیخدی گوُیه قوجالدیم

هیجران یوکو قالاندیقجا چیینیمه
اینتظار دان توُر چکیلدی عِینی مه
سئوینج دوُنو هئچ گلمه دی اَینیمه
کَدر دونون گییه،گییه قوجالدیم

کیم لیگیمی دوشدوندوقجا اوُزومده
کوله دوُندو اوجاقیمدا، کوُزومده
اورَک قانیم سئله دؤندو گوُزومده
غم ،غصه نی یِیه، یِیه قوجالدیم

“لشکری”یم چوخ جان آتدیم وصلته
آخر اویدوم طالع یازان قیسمته
فلک بیر ایش گوردو،دوشتوم غوربته
وطن،وطن دییه،دییه قوجالدیم

یازاری؛منصور لشکری

***********************
حسین شاهمرادی
۱۳۵۷/۰۲/۰۱
تخلص آمانسیز
شعرهای کلاسیک در قالبهای مختلف حدود ۵۰۰ قطعه که در دو جلد به دو زبان لاتین آذربایجان و ترکی آماده چاپ می باشد

“سن گئده لی”
باخیـرام قـاب بـاجامیـز بوم بوز اوْلوب سن گئده لی
نَفَـس آلمیـر ائـویمیــز جانسیز اوْلوب سن گئده لی

بـوغــولـور درد اتـاقیـم جیـرنـاق آتیــر دام دووارا
یـاتـاقیـم پارچـالانیـب گؤز گؤز اوْلوب سن گئده لی

هـر گـون آخشـام دئییرم بلکه ده گلـدین بو گئجـه
گلمــه دن آرتیــراراق غَــم یـوز اوْلوب سن گئده لی

پارچـالانمیـش اوره ییـم چـولغـالانیب درد اوْدونـا
آلیشیــب آرزیــلاریــم کؤز کؤز اوْلوب سن گئده لی

غـمِ هیجـران دؤشـه ییب گـؤزلریمـه غَـم بولودون
دوداقیمـدا گـولـوشـوم چوخ آز اوْلوب سن گئده لی

دئشیلیـر یاره لـریم فیکـریمـه دوشـدوکجـه یادین
ملحـم اینــدی یارامــا آخ، دوز اوْلوب سن گئده لی

سَنسیـز ای نازلـی صنـم بیـرجـه منیـم غمخـواریم
اوره یـی قان چاناقـی بیـر ساز اوْلوب سن گئده لی

بو شه هه ر ده سارالیب سـوْلـدو بوتـون آرزیلاریم
کـوْنلومون غونچه لری بوْم بوْز اوْلوب سن گئده لی

گئــدیـرم تا پـوزولا بـوردان «آمانسیــز» کَــدَریم
بو شه هه ر غمده منـه بیـر ایز اوْلوب سن گئده لی

،،آمانسیــز،،  حسیــن شاهمـــرادی

*******************
تهیه:پونه اصغر پور

تنظیم‌: رامک تابنده