وحید حسن پور.اجاقکندی تخلص(یورداوغلو ) 
دوغوم.۶۸/۳/۲۳ تبریز
آی گلزار گئدن کسلر
ان گوزل گول درین یارا
من کی اوزوم گلنمیرم
سینمده وار درین یارا.
سینم یارا سینم یارا
یاریم اوچون سینم یارا
گر اورییم سینم یارا
دیین دئدیم درین یارا
ساتدی منی گر آغیارا
گوینر سینمدا آغیارا
دیین دلبریم آغیارا
مزاریمی درین یارا..
وحید حسن پور ( یورداوغلو)
حاضیر یوخوما گلدین
من اؤزومو ایتیردیم
اوره‌ییمه تؤکولدون،
تئز دیلیمه گتیردیم
هئی آدینی اؤپرکن
بیرده باسدیم باغریما
اوخودوم گؤزلریندن
ایناندیم ایلک آرزوما
تلسدین گئتمه‌یینه
قول بوینوما سالمادین
نه گلدی اوره‌یینه؟
دای یوخومدا قالمادین
کابوس بیزی اویاتدی
الین، الیمدن چیخدی
دالیمیزجا داش آتدی
منیم ائویمی ییخدی
کیملر بیزی قارغادی؟
یاتماغا تاختیمیز یوخ
اَه بو یوخو اولمادی…
یوخویا واختیمیز یوخ
#یعقوب_نیکزاد
*بیچاره گوزه ل*
بیرکسه سویلمه دیم دونیادابیچاره گوزه ل
بس نئیه قالدیم اوزوم باخ بئله آواره گوزه ل
نه اولاربیرسوروشوب دردیمه درمان تاپاسان
ائت ترححم سن اوزون من کیمی بیماره گوزه ل
دردیمی سویله میشم هرکسه باش تاپمادیلار
چکدیلردردیله درمانیمی پئیکاره گوزه ل
گوزلریندن اوخودوم عشق اودو چوخ یانمالیدی
اود ویریب یاندیراوزون سالما منی ناره گوزه ل
اللریم اسدی منیم دوشدوگوزوم گوزلرینه
قربانام سنده اولان گول کیمی روخساره گوزه ل
من غریبی نقدرعشق اودونایاندیریسان
چکموسن زولف سیاهیله گئنه داره گوزه ل
قوربان عباسی اولا گوزدن آخان غملی یاشا
سئیله غرق ائتمه اوزون ایله گیلن چاره گوزه ل
____
عبدالله عباسیان (عباسی)
باخ گؤر نئجه منی مننن آلیبسان
ایچیمده دویقولار اود توتوب یانیر
ولقان تک قایناییر جوشور حسرتین
آرزولار داریخیر گونلوم تالانیر
دورگل دوداغمنان سوزول سؤزومه
یاپیش اللریمنن دیرماش گؤزومه
قارا بولوت کیمی دولموشام داها
گؤزومده یاشا اولوب تؤکول اوزومه
آخ سینم اوستونه روحوم دا یاشا
قویما غم کدرله قالیم باش باشا
سیزلارام نی کیمین عشقینده هرآن
آند اولا گؤزومنن تؤکولن یاشا
سیزلار
ارسال دیدگاه
مجموع دیدگاهها : 0در انتظار بررسی : 0انتشار یافته : 0