شاعران ترک زبان مخاطبان رسانه-پونه اصغرپور

علی ابوالفتحی کربلائی ( لاچین ) ۱۹۷۵ آذربایجانین هشترود شهرینین ( هئشتری ماحلیندا) آغچه کندی

اوز کندیمده بویا باشا چاتمیشام اوردا مقدماتی اوخوقلار اوخویانان سورا حقوق رشته سینده عالی اوخوقلارا دوام اتمیشم ایندی سه تهراندا یاشیرام

 

 

آتا

 

دئمه اوزاقلاردا قالیب اولادیم

 

چکدییم نفسیم جانیم سان آتا

 

سنسن گوجلو قولوم. ، سنسن قانادیم .

 

ظلمتده ن. بویلانان دانیم سان آتا

 

محتشم بیر داغسان. سینماز. وقارین

 

پوزولماز پیمانین دونمز ایلقارین

 

نوه نتیجه دی دولتین وارین

 

عزّتیم، شوهرتیم ، شانیم سان آتا

 

گوُینه دی الینین قاباری گوُردوم

 

سینماز سنده غیرت. داماری گوُردوم

 

گولوشونده. سنین. باهاری گوُردوم

 

عشقیمسن، قلبیمسن، قانیم سان آتا

 

(لاچین) یوکسکلرده ، قول قاناد آچیر

 

گوُیلرین قاتیندا ،گزیشیر، اوچور،

 

گونش تک بویلانیر، آی تک نور ساچیر

 

سن منیم سعادت آنیم سان آتا

 

ع ا (لاچین)

 

 

معصومه رحیمی

تخلص “دنیز

محل تولد:کرج

کارشناس ادبی

 

 

ایستیرم بیر نئچه خط دیلبر جانانه یازیم

غزل و قوشما يازيم، سؤيله اورك يا نه يازيم؟

قيلمادي چاره ياريم، دهريده يوخدور يانانيم

ایستیرم دردلریمی كوه و بیابانه یازیم

او شیرین سؤزلرینه جانیمی قوربان ائدرم

جاني‌نین شهديني بير، بال دولوسو شانه، یازیم

آيريليقدان بوكولوب، قامتي عشقين بيليرم

او سئوميلي گؤزلي دونیادا بیر دانه یازیم

پييان اولموش گزيرم صبحه‌قدر يار كوچه‌سين

مست اولان احوالیمی بر در میخانه یازیم

باخيشيندان نه دئييم آلدي اليمدن قراري

ایستیرم گؤزلرینین نقشینی دیوانه یازیم

حسرتينده اريديم ياندي جانيم يار اودونا

خياليمدا اؤزومو بير دلي ـ ديوانه يازيم

گؤزلريم يولدا قاليب، كاش دؤنه يار ايلقارينا

دؤنمه‌سه ايسته‌ييرم عؤمرومو افسانه يازيم

 

رحیمی«دنیز»

 

فاطمه رحیمی

محل تولد: شهر کرج

کارشناس ارشد روانشناسی

 

 

 

 

بو منم،یار گوروشونن سورا ،حسرت ده قالان

اوکی گیزلین اوپوشون،دردینه اودلاردا یانان

بومنم روسوا قادینلار کیمی عشقینله دولان

سنی من گیزلی سئویم ،یا باشیما چاره قیلیم؟

 

قوللارین یاسدیغیم اولسا من اولونجه،یاشارام

اولچوسوز سئوگی ده دوللام،خیالیندان داشارام

بیر اوشاق تک قورخودان ،در دووار اوستن آشارام

دی منیم سن یا کی یوخ،سویله کی تکلیفی بیلیم

 

بؤلونوب دور ئوره گیم،دار کوچه لرده تیکه سی

طالعیم اوردا خوش اولدو،چیخمادی بیرجه سسی

سئوگیلیم سن یاشامین وارلیغی سان هم نفسی

بوندان آرتیغ گل،ایذین وئرمه کی سنسیز ازیلیم

 

فاطمه رحیمی

 

 

حامد منصوری نژاد

۱۳۵۳ اردبیل

دو جلد کتاب بنام های نغمه های شفق و ناله های شفق دانشجوی کارشناسی ادبیات

 

 

 

 

 

گودورم بیرده گورم من سنی مستانه آنا

شمع حسنونده اولام تا گینه پروانه آنا

 

یاراشیردی لچگون اوزده یانان لاله لره

فلکین ایری الی ایله دی افسانه آنا

 

آغاران ساچلاروون عطرینه یللر داریخیب

ایستیورلر ویرالار ،تللرووه شانه آنا

 

سوزلرونن سوزولن شربتین آواره سی ام

اولمیشام هر گجه لر ساکن میخانه آنا

 

بیزه گون گلمه دی سنن سورا قان قوسدی فلک

اولدوز اولدوز سوکولوب باتدی گجه قانه آنا

 

سن کی یوخسان، الیم اوستونده دیلیم پارچالانوب

بند بندیم سئخیلیب گلمیشم افغانه آنا

 

دویغولار داردان آسیلیمیش دوهارین کولگه یرین

ائتمیشم قلبیم ایچون بیر بالاجا لانه آنا

 

حامد منصوری نژاد