همراه با شاعران ترک زبان سرزمینمان

غزل از شاعر ترک زبان «ا.د.ائلمان» بیر جان غزلین یازماغا جانان منی سسلر فرمان قلمین جانلی توتان، قان منی سسلر کافر کیمی کۆفرون باخیشیندان اوْنا وورغون عشقین تملیندن یاشیل ایمان منی سسلر بیر دامجی، غزل قلبینه آخمیش مئیی دادسام جنّت غزلین یوردونا دیوان منی سسلر ظۆلمت گئجه نین باغرینی بیر قافییه یارسا بیر شانلی سحر […]

غزل از شاعر ترک زبان «ا.د.ائلمان»

بیر جان غزلین یازماغا جانان منی سسلر
فرمان قلمین جانلی توتان، قان منی سسلر

کافر کیمی کۆفرون باخیشیندان اوْنا وورغون
عشقین تملیندن یاشیل ایمان منی سسلر

بیر دامجی، غزل قلبینه آخمیش مئیی دادسام
جنّت غزلین یوردونا دیوان منی سسلر

ظۆلمت گئجه نین باغرینی بیر قافییه یارسا
بیر شانلی سحر اوغرو اوْباشدان منی سسلر

هر کیمسه غزل کؤنلۆنه یوْل تاپماغی بیلمز
دیوان قالاسین آلماغا سولطان منی سسلر

حؤکمۆنده یاشیللیق یازیلان نغمه لی یاز وار
بۆلبۆل اوْخویان ماهنییا عونوان منی سسلر

هر بئیتی قیزیل بیر سارایین مۆلکۆنه مۆمکۆن
ایمکان یارانان یئرده غزلخوان منی سسلر

عشقین بولودوندان یاغیشی، گۆلشنه ایستر
شعرین بولاغیندان دوْلو عوممان منی سسلر

توفانلی غزل، هئچ گمی ده یئلکنه سیغماز
جوْشغون دَلی بیر دالغادا مئیدان منی سسلر

بیر گۆن ییخاجاق قافییه سددین بو ردیفدن
قوْرخوم اوْیانیب گۆنده هراسان منی سسلر

بیلدیم بونو من ذرّه ده اوْلسام، گۆنه شیم وار
آیدینلیغا چیخماق یوْلونا، دان منی سسلر

بیر سئوگی -محبت پایی وار منده غزلدن
اوْل دوْغمالیغین عشقینه ائلمان، منی سسلر

ا.د.ائلمان

**************************************

شاعر ترک زبان «عاشیق گنجعلی بابایئو»

منم

درد چکیرم، غم یئییرم
حسرتیندن اؤلن منم
ووصالینا چاتانمادیم
بو حالیما گولن منم

سؤدورموشم اوجاغیمی
سیندیرمیشام بوجاغیمی
یاش یاندیریب یاناغیمی
گؤز یاشیمی سیلن منم

ترپه دنده ساری سیمی
دولانیرام دلی کیمی
سنه اولان صاف عشقیمی
میصراعلارا بؤلن منم

خوشبخت لره تن دئییلم
اوزوم گولور شن دئییلم
او گؤردویون من دئییلم
نه چکیرم بیلن منم

آیریلیقدا قالیب یاخام
کاش اوزونه بیرده باخام
بو گون وارام، صاباح یوخام
افسانه یم، یالان منم

عاشیق گنجعلی بابایئو

********************************************•••***
گرد آوری اشعار: پونه اصغر پور