با شاعران ترک زبان ایران در رسانه ایرانیان اروپا

شاعران مخاطب ترک زبان ایران در رسانه ایرانیان اروپا

انسان یارانیبدیر ازلدن گویه
بیلمیرم باغلانیب بو یئرده نه یه؟
ایسته ییر دونیا دا من وارام دییه
گاهی یئنیش یئنیر گاه یوقوش چیخیر

حئیوانلار دونیایا ایاق قویاندا
یالمانیر، بیلینیر قارنی دویاندا
انسان چورک اوسته گوزلر اویاندا
باجینین حاقینی قارداشی تیخیر

نشان وئر دنیانین اوجون گوره نی
باشا جان کلکین قوروب- هوره نی
یاشاسین دونیادا سئویب -سئوه نی
سوزلری سمادا بولودو سیخیر

#ساچلی

دئسم ده جاوانام اورتا یاش اینانان اولماز
قوجالیق چاغیمدی گوروللر منی
بودوره ییب یئرییب چاش باش ووراندا
گنج نسیللر باخدیقجا گوله للر منی

دارتیلمیش خرمنم یئل قارشیسیندا
سووروب خلبیردن اله للر منی
بیلن یوخ قدریمی گوره ن یوخ منی
صاباح کی اولمادیم بیله للر منی

چوخ زامان چکمه ز چوخ واخت آپارماز
آختاریب بوش یئریم دیه للر منی
بئش اون گون کووره لیب گاه داریخاللار
اونودوب یادلاردان سیله للر منی

#دیزج لی شهریار

تهیه: پونه اصغرپور
تنظیم:رامک تابنده