نام کاربری یا نشانی ایمیل
رمز عبور
مرا به خاطر بسپار
بو کؤهنه یوللارین اوستونده بیر قاتار دادی وار و اورمونون قورویان سینه‌سینده نار دادی وار دویونجا تَر تؤکورم من چؤرک تاپینجا، یئنه آیاق لاریم دا، الیمده یانیق قابار دادی وار اولوم یوکون داشییان واخت چییینلریم تؤکولور بو چالپاشیق شهر اوسته اوچوق دووار دادی وار سوزومده گور نئچه ایلدیر سوکوتدی پلمه له نیر بوغازدا ایندی بوغولموش‌جا مین هاوار دادی وار من اورمو گؤزلو قیزام ، نیسگیلیم دوز آلتیندا سحردن آخشاماجاق الده بیر زومار دادی وار اسنده یئل بو پاییز یاپراقین توکوب، داغیدار خزان‌لیقیندا گؤیرمیش یاشیل باهار دادی وار هئچ اوزگه کؤک‌لی باغا بالتا وورماق ایسته‌مدی تانیش الیله تالانمیش کیچیک دیار دادی وار بو اولکه اوسته سالیبدیر قارانلیقین گوجونی اولوم بویوندا دا گورکملی بیر چینار دادی وار جهان غریبه بیر اؤلکه کیمی داریخما اکیر بو زندانین حیاطیندا آسیلما دار دادی وار گلیبدی یاز هامی ائللر گینه یاشیل بویانوب بیزیم یاشیل یازیمیز دا هله ده قار دادی وار
بو کؤهنه یوللارین اوستونده بیر قاتار دادی وار و اورمونون قورویان سینه‌سینده نار دادی وار
دویونجا تَر تؤکورم من چؤرک تاپینجا، یئنه آیاق لاریم دا، الیمده یانیق قابار دادی وار
اولوم یوکون داشییان واخت چییینلریم تؤکولور بو چالپاشیق شهر اوسته اوچوق دووار دادی وار
سوزومده گور نئچه ایلدیر سوکوتدی پلمه له نیر بوغازدا ایندی بوغولموش‌جا مین هاوار دادی وار
من اورمو گؤزلو قیزام ، نیسگیلیم دوز آلتیندا سحردن آخشاماجاق الده بیر زومار دادی وار
اسنده یئل بو پاییز یاپراقین توکوب، داغیدار خزان‌لیقیندا گؤیرمیش یاشیل باهار دادی وار
هئچ اوزگه کؤک‌لی باغا بالتا وورماق ایسته‌مدی تانیش الیله تالانمیش کیچیک دیار دادی وار
بو اولکه اوسته سالیبدیر قارانلیقین گوجونی اولوم بویوندا دا گورکملی بیر چینار دادی وار
جهان غریبه بیر اؤلکه کیمی داریخما اکیر بو زندانین حیاطیندا آسیلما دار دادی وار
گلیبدی یاز هامی ائللر گینه یاشیل بویانوب بیزیم یاشیل یازیمیز دا هله ده قار دادی وار
#تبسم_رضازاده«شدتی» #نیلوفرآبی
سئویرم سنی! گؤزلرین حیاتین نفسی سئوگنین اَن دوغرو فلسفه‌سی قابار چالمیش دویغولارین انتحاری دنیزلیگین سون نقطه‌سی گؤزلرینه باخان… گؤزلرینه باخان هر کسه لعنت اولسون! سئویرم سنی! سن… سن ده یاشایان بو سنی قورو هئچ زمان دئییشمه بو سنی بیلیرم، سنده اولان بو سنی هر کس… سنی سئون هر کسه، لعنت اولسون! سئویرم سنی سن آیتکین بیریسی آیتکین قارانلیغا قارشی آیتکین یاشام گئجه‌لرین یاشادان آیتکین یالقیزلیق اوغورلایان آیتکین سئوگی باغیران آیتکین… آیتکین… بو نه گؤزللیک یااا دئییرلر گؤزل‌لر وفاسیز … آیتکین بوتون گؤزللیک‌لره لعنت اولسون! #سعید اودمان
سئویرم سنی! گؤزلرین حیاتین نفسی سئوگنین اَن دوغرو فلسفه‌سی قابار چالمیش دویغولارین انتحاری دنیزلیگین سون نقطه‌سی گؤزلرینه باخان… گؤزلرینه باخان هر کسه لعنت اولسون!
سئویرم سنی! سن… سن ده یاشایان بو سنی قورو هئچ زمان دئییشمه بو سنی بیلیرم، سنده اولان بو سنی هر کس… سنی سئون هر کسه، لعنت اولسون!
سئویرم سنی سن آیتکین بیریسی آیتکین قارانلیغا قارشی آیتکین یاشام گئجه‌لرین یاشادان
آیتکین یالقیزلیق اوغورلایان آیتکین سئوگی باغیران آیتکین… آیتکین… بو نه گؤزللیک یااا دئییرلر گؤزل‌لر وفاسیز … آیتکین بوتون گؤزللیک‌لره لعنت اولسون!
#سعید اودمان
اوتوروب دنیایه فیکیر وئرنده غم کده ر کونلومی تالاییر گئدیر هر قونان اوچوری، هر گلن کوچور هر کیمسه بیر جوره پای آلیر گئدیر
آدام وار یاشاییر نیه؟ بیلمیری آدام وار سوز بیلیر دییه بیلمیری آدام وار قازانیر ییه بیلمیری وار اوسته، وار دوولت قالاییر گئدیر
چوخی وار دنیانین چکیر عذابین دادمیری لذتین، یه میر کبابین یالانچی ساقی نین ایچمیر شرابین دنیانین ساغرین جالاییر گئدیر
محکوم وار حاکمه قویی قازدیریر حاکم وار هئچ یئره ئولوم یازدیریر ائله بیر اینسان وار شیطان آزدیریر شیطان دا باشینی بولاییر گئدیر
شاعرلر بلبلون دیلین دن دئیر باخچادا گوردوگی گولون دن دئیر (کافی) دا تالانمیش ائلین دن دئیر ائلینه سعادت آراییر گئدیر
#حسن کافی
ایسته دیم دنیادا غمسیز یاشایام شنلیگیمی گوروب سوز ائیله دیلر یولومدا تورقوروب اورک داشلیلار تورپاغی سوووروب توز ائیله دیلر
ازلدن بئله دیر فله یین ایشی عذابلان یاشایار مرد اولان کیشی داها گورونمه ییر دوزون ارزیشی ایرینی -یالاندان، دوز ائیله دیلر
عجیبه بیر زامان غریبه بیرچاق کونلوم ایستگینی ائتدیلر یاساق یارالار سینمده باغلامیر قایساق آرزیمی قلبیمده بوز ائیله دیلر
شیرین حیاتیمدا گوز اویناتدیلار دیللری اوجوندا سوز اویناتدیلار یارامین اوستونده دوز اویناتدیلار “ائلیارین” دردینی یوزائله دیلر
جبرئیل – ائلیار
تنظیم و گردآوری
پونه اصغر پور ، دبیر شعر اقوام (ترک زبان)
این مطلب بدون برچسب می باشد.