شنبه ها با شعر اقوام ایرانی(ترک زبان)مخاطب رسانه با “پونه اصغر پور”
عقاقی لر چکدی باشا چطرینی
چیچکلرده ن آلدئم سنین عطرینی
تک باشئنا عزیز له دیم خطرینی
گوزوم قالدی یوللارئندا، گلمه دینعمور وئردیم ایل قده ری هر آنا
آرخاج آرخاج باشا چاتدی بیر حانا
گون چکیلدی کولگه دوشدو هریانا
چیچک سولدو کوللارئندا،گلمه دینگوزله ییردیم قانادلانئب اوچارسان
یاساخلارئن دار قاپئسئن آ چارسان
حیاتئما گونش کیمی ساچارسان
گوج اولمادی قوللارئندا، گلمه دینسویله چیللراومود یولون باغلادئم
عشق اودونا یئنه اوره ک داغلادئم
بو شعریمله کلمه کلمه آغلادئم
بوداغ سئندی خوللارئندا، گلمه دینباکری / پارس آباد مغان
ذکرعلی نظرپور( چیللر)ذکرعلی نظرپور ، متخلص به چیللر
سال ۱۳۴۲ در روستای قارا داغلی شهرستان پارس آباد مغان به جهان گشوده و تا سطح کارشناسی به تحصیلاتش ادامه داده است ، در طی این سالها سه دفتر شعر خلق کرده است که بنا به دلایل معین هنوز اشعارش به شکل کتاب چاپ وانتشارنیافته است.#ذکرعلی نظر پور (چیلر)
گلمیشم من قاپووا ساخلا قوناق سن هله لیک
توت حالیمدان نه اولار بیرده سوراق سن هله لیک
باخما سن بیرده کی اغیار سوزونه یالواریرام
نئجه کی باخمادین اصلن کی قاباق سن هله لیک
یوخدو سنسیز ائویمین نوری بیلیرسن،سن اوزون
گل اوزون یاندیر عزیزیم کی چیراق سن هله لیک
آچگینان زولف پریشانینی رخسارینه توک
منی قوی مست ائله سین وورما داراق سن هله لیک
بوندان آرتیق گوزلیم درد و غمه سالما منی
الیوی وئر منه بیز دردی قوواق سن هله لیک
سنه یئر ساخلامیشام بو گوزوم اوسته گوزلیم
گل گوزوم اوسته ائله سن اوتوراق سن هله لیک
قورخورام گوزلریوه-گوز دیه گیزلد گوزونو
بد نظردن گوزونو ساخلا اوزاق سن هله لیک
“معمارام”ایسته مرم دونیا دا سنسیز یاشایام
گل قوشول سن-منه بیز شاد یاشایاق سن هله لیک
مین اوچ یوز اوتوز دوققوز اینجی ایلین بایرام گونی بیله سوار شهرینده آنادان اولموشام اوزومه شعر ده “معمار” تخلصین انتخاب ائتدیم .بوتون قالبهای شعر یده اشعار یازیرام
منی سئونلر وشاعر دوستلاریم منی معمارآدیلا یاخشی تانییر لار و معمار غزل دییر لر .
هله لیک
#”معمار”-بیله سوار-مغان.
يازيم‌مي؟
تئـلدن يـازما دئدين؛ يازميرام
هئچ اولماسا باياض تئلدن يازيـم‌مي؟
اوجا بویدان، اينجه بئلدن يازميرام
غم قاتلاميش اَیري بئلدن يازيم‌مي؟دفتريمـده بيـر يـار آدي يـازماييـم
هـارام ساغـدي يـا يـارادي؛ يـازماييـم
گؤز آلادي؛ قاش قـارادي؛ يـازماييم
گؤزدن آخان قانلي سئلدن يازيم‌مي؟ياز قاري تك اؤز_اؤزونـه اَريیَن
اؤلكـه‌لري، اور‌كلـري بـورويـَن
گونو گوندن آياق توتوب يئريیَن
شر_بوهتاندان، فيتنه_فئلدن يازيم‌مي؟دار گونلرده سينه گريب ووروشان،
گئن‌گونلرده بوش پتکدي؛ قورو شان.
اؤز كيمليگين اؤزگه‌لردن سوروشان،
بئله يازيق، مظلوم ائلدن يازيم‌مي؟هئچ دئمه‌ييـم اليـم خميـر؛ قـارنيـم آج
عـؤمرومـوزو يـاري بـؤلـدو احـتيـاج
آي “عـدالت”! شـله آغيـر، يـول يـاماج،
سوسدورولموش شيرين ديلدن يازيم‌مي؟؟عدالت کامران اوغلو امّی (دومان)
۱۹۷۰-جی ایلده گونئی آذربایجانین قاراداغ بؤلگه سینده گیرده زال کندینده دونیایاگلدی.
تهران شهرینده یاشاییر.
حال حاضیردا عدالت دومان ۵کیتابین موللیفی دی.
خاطیرلاردیم کی عدالت دومان
۱۳۹۴ جی ایلین خرداد آییندا باکی دا دوکتور جواد هئیت مئدالینا لاییق گورونوب.#عدالت-دومان
سحر
سحر گونش سندن نور ساچیر
داغ لار گل-گل دئیر قوللارین آچیر
لاله نین نرگیزین دوداغی قاچیر
یوخدو گوزلیک ده تای سنه قربانداغلاردا لاله یه خالی وئریبدیر
آری پتکینه بالی وئریبدیر
شاعیره دویغولو حالی وئریبدیر
دنیادا اَن گوزل پای سنه قرباندومانلار دولانار داغلارین باشین
بولاغلار قوجاقلار دیبینین داشین
ایسته سن بیله سن گوزومون یاشین
گویلرده اولدوزو سای سنه قربان#ساچلی
گردآوری و تنظیم :پونه اصغرپور
دبیر شعر اقوام (ترک زبان)رسانه
ارسال دیدگاه
مجموع دیدگاهها : 0در انتظار بررسی : 0انتشار یافته : 0