شنبه ها با شعر شاعران اقوام ایرانی-شاعران

مهدی تیغ زن تخلص شاعری [غمسیز] ۲۴ ساله

ساکن شهر زیبای تبریز

۳ سال هست در دنیای ادبیات هستم

 

ستیرسن گئده‌سن توتمورام، آما-

گئیینر گؤزلریم یاشینی هر گو

خیالین بویلانیب گؤیلردن بور

کؤنلومه ساپلایار قاشینی هر گو

گئیینر گؤزلریم یاشینی هر گو

 

سئوینجک جومارام قارانلیقلا

گیله‌ن کیمی گونوم قارا اولماس

باغریما باسدیغیم گوللو یاستیغی

گئجه‌لر قانایان یارا اولماس

گیله‌ن کیمی گونوم قارا اولماس

 

هر زامان بورداکی هرنه‌ده وارس

سالارام عطرینی اوره‌ییمه م

قوجالیق یادداشیم عاغلین ایتیرس

دؤیه‌رم آدینی بیله‌ییمه م

سالارام عطرینی اوره‌ییمه م

 

ییخارام دنیانی آیاقلاری

الیمده چیچکلر آیاغین اوپ

روزگارلار قالدیریب سنی گؤیلر

گؤیده گزه‌گن‌لر بارماغین اؤپ

الیمده چیچکلر آیاغین اؤپ

 

آند اولسون سسینه “تک” بوش یئریم و

سن گلمک ایسته‌سن اؤزونو گتی

بالدان شیرین دادان سؤزون-صحبتین

گؤزل‌لیک اویلاغی گؤزونو گتی

سن گلمک ایسته‌سن اؤزونو گتیر

 

#مهدی_غمسیز

 

داریخما دار کوچه لرده، داریخما سئوگی پاییم!

سیخینتیلار آراسیندا، سینیخما سئوگی پاییم!

 

سنین سحر باخیشیندا گونش ساچین داراییر

قاماشدی گوزلریم آنجاق، کاریخما سئوگی پاییم!

 

وَ پورتره چکیلیبسن، قالارقی گوزگولره

عومور _ عومور اوره ییمدن، قانیخما سئوگی پاییم!

 

یازین یاشیل اته ییندن سنه گولوش دریرم

دومانلی گونلریمیزدن جانیخما سئوگی پاییم!

 

قانا بوکولمیش ایزیمده بولاغ _ بولاغ آخیرام

ساراي لی آرپاچاییمدا یانیخما سئوگی پاییم!

 

بورا ایشیقلی بیر ” آیتای ” گرک دی ظولمت آرا

اؤترگی بر-بزه یین وارسا ، چیخما سئوگی پاییم!

 

 

مهناز. صابونی.( آیتای)

 

 

 

#آخشاملار

 

منده بیر کؤلگه قارانلیق اریییر آخشاملار

باخیشیم یوللارا یورقان سورویور آخشاملار

 

سه‌پیلیر دیزلریمین آغریلاری قاپ باجایا

دیله‌ییم مین دؤنه کؤکدن چورویور آخشاملار

 

سوسورام قوربتی ایللردی دووارلار اوچاراق

کوچه‌لر اوستومه بیردن یورویور آخشاملار

 

خییاوانلار اوزونو ساختا باخیش‌لاردان دا

آددیم-آددیم جاناوارلار یئریییر آخشاملار

 

گونشین گؤزیاشی سون پرده‌دی مندن آسیلی

قاپی‌نین پلمه‌لی دردین بورویور آخشاملار

 

سینیرام ساچلاری دالغین شهرین قوینوندا

هله او قملری اوزدن کورویور آخشاملار

 

#رضوان_حاجی_قاسیملو_جانای

 

 

 

 

 

آغرين آلیم

 

ائرکک بولوت یاغیش یاغماز

قارالسادا ، آغرین آلیم

داغلار باشی ، گؤزل اولار

قار آلسادا ، آغرین آلیم

ـــــــــــــــــــــــــــــــــــــــــــــ

یاخچی دؤستدان کئچمک اولماز

بیر بیریندن سئچمک اولماز

موردار سودان ایچمک اولماز

دورالسادا ، آغربن آلیم

ـــــــــــــــــــــــــــــــــــــــــــــ

چیرکین اولا یادا گؤيچک

قانان یارین ، نازینی چک

خوش یاراشار کتان کؤینک

دارالسادا ، آغرین آلیم

ـــــــــــــــــــــــــــــــــــــــــــــ

غم اولماسا اؤره ک دؤلماز

(غم اوغلو)نو درده سالماز

بوروش گلیب قیزیل اولماز

سارالسادا ، آغرین آلیم

ـــــــــــــــــــــــــــــــــــــــــــــ

شاعر غم اوغلو

 

دبیر بخش شعر اقوام ایرانی پونه اصغرپور