زبان مادری

شنبه ها با شعر شاعران اقوام ایرانی-شاعران

: عباسیان متخلص به عباسی ۱۳۴۰/۷/۷

در یکی از روستاهای شهرستان اهر بنام روستای یخفروزان(آرپیزان)

که با مشوق‌های مرحوم پدرش که‌ اهل قلم بود به شاعری رو آورد. اکثرشعرهایش به صورت غزل میباشد و شاعر دو زبانه هستند حاصل سالها تلاش ایشان ۶ جلد کتاب میباشد که در دست تدوین و تکمیل و اماده چاپ می باشد

گولون*

 

عشق بیچاره سی اولدوق بیزی  نادانه گولون

 

غم بیزی سالدی ایاقدان بیز نالانه گولون

 

غم اوقدر چولغالاییب باده ده تاثیر ائله میر

 

جام مئی الده اولان ساقی دورانه گولون

 

قویمایین لحظه ی عومرو ز گئچه من تک غمیلن

 

گون گلیبدبر گئچه جک گون  کیمی دورانه  گولون

 

آشنا ائتمیه سیز    کونلوزو بیر آن کدره

 

سیز اولون  بولبول   آچان  غنچه ی خندانه گولون

 

حوکم ائدیبدیر چکه جک زولفوله چون داره منی

 

حوکم ائدن یاره باخین هم ده بو دیوانه گولون

 

دوستا بئل باغلاما سن  کونلونو وئرمه الینه

 

سیندیرار کونلونو بیر گون بئله یارانه گولون

 

دار گونومده دئمیشم  دردیمی یارانه دئیوم

 

دونده ریب گوز یاشیمی باخگیلا  بارانه گولون

 

ائله بیردرده سالیب گردش دوران گوزه لیم

 

ائتمه گه یوخدو دوا حاکیم لوقمانه گولون

 

اوز الیم توتدو  یاخامدان منی بیر پرپیله دی

 

چکیرم   دردیمی من   یوخ بئله درمانه گولون

 

منه تقدیر یازیب عشقیده مجنون صفتم

 

منی محبوس ائلین عشقیده جانانه گولون

 

گونو گوندن قالیریق گولمه گه حسرت گوزه لیم

 

اولوب عباسییه غملر بئله هم خانه گولون

 

عبدالله عباسیان (عباسی)

 

علاالدین سیدزاده ، ۱۳۳۷ ده سراب شهرینده دوغدو ، گنج زامانلاریندان ، آنادیلینه کوُنول باغلادی

اوستاد علاالدین سیدزاده ، شعرده ائلشن تخلصونو کندیسی اوچون سئچدی ،

و اوزون مدت دیرکی ، ایران رادیو و تلویزیوندا آنادیلیمیزده قلم چالیر .:

 

حؤرمتلی شاعیر دوستوم حمید تیلیم خانلی جنابلارینا ایتحاف

 

یئنه اوره ییمه دولدون بو آخشام،

قلبیمه آلوولار سالدین بو آخشام،

عؤمرومون ماهنیسی اولدون بو آخشام،

گلیرسن خزانسیز چیچک لرله گل.

 

داریخدیم وصفینه غزللر کیمی،

چشمه سی لام آخان گؤزه لر کیمی،

بولاقدان سوآلان گؤزه للر کیمی،

باشیندا نازلانان ملک لرله گل،

 

گل کی ظولمت گئجه م سحره دؤنسون،

آلیشان باغریمین آلووو سؤنسون،

داریخان اوفوقلر ایشیق بورونسون،

یامیاشیل مئشه لی اتک لرله گل

 

گلیرسن یاز گتیر بیزیم ائللره،

یاغدیر لئیسانینی بیتمز چؤللره،

یئنی بیر جان گنیر سوسوز گؤللره،

دورنالی،سونالی گؤلک لرله گل.

 

ع. ائلشن بداهه

 

 

: حمید احمدزاده ۱۳۳۲ ده اورمیه شهرینده ، تبریزلی بیر عائله ده ، دونیایا گلدی

اوستاد #حمید_احمدزاده آزربایجانین چاغداش ادبیاتیندا بیر چالیشقان یازار و دویغولو بیر صنعتکار و احساسلی بیر شاعیردی.

 

آنام منی خاطیرلاسین

 

قم باغریمی اویان زامان

یاد دریمی سویان زامان

بو دونیادان دویان زامان

آنام منی خاطیرلاسین

 

قارا گونلر باشلاناندا

قیزیل گوللر داشلاناندا

قیش قار کولک باشلاناندا

آنام منی خاطیرلاسین

 

آجی بیان بیتن یئردهرا

دادلی باده اوتان یئرده

قارا گونلر توتان یئرده

آنام منی خاطیرلاسین

 

آنا دیلی یاساق یئردهد

انسانلاری توتساک یئرده

ار کیشیلر اکساک یئرده

آنام منی خاطرلاسین

 

اوختای سوُزو دانیلاندا

صمد بهروز یانیلاندا

ائل له ظولوم اولوناندا

آنام منی خاطیرلاسین

 

مکه بالا قورولاندا

توکو گوُیه سورولاندا

آلاولاردا قیوریلاندا

آنام منی خاطیرلاسین

 

سوُزو دوغرو اولان یئرده

یار دردینه دالان یئرده

اوُزگورلوکلر قالان یئرده

آنام منی خاطرلاسین

 

موم تک یاندیم حزون- حزون

اینتظاردا قویما گوُزوم

من “حمید”م بودور سوُزوم

آنام منی خاطیرلاسین

 

حمید احمد زاده

 

اوره گیم عشقینله چیرپینیر هرآن

ائللرینه جانیم قوربان ای وطن

دولودورظفرله هرگونون آیین

ایللرینه قوربان اولوم ای وطن

داغلاری آرانی چمن مئشه سی

جننتدن پای آلیب هربیرگوشه سی

مین دردین درمانی آخارچشمه سی

گوللرینه جانیم قوربان ای وطن

باغلارین گول چیچک داغلارینداقار

اوزیارینا جاندان گئچربوردایار

سینن اوسته ایگیدلرین ایزی وار

چوللرینه قوربان اولوم ای وطن

اسمه ییب تاریخده هئچ زمان دیزین

قهرمانلار گئدن یولدور بوایزین

مست ائدیر قوخوسو باغدا نرگیزین

گوللرینه جانیم قوربان ای وطن

سنده قالان دوزیاشاسا یوزیاشار

قاینار محبتین قلبیمده جوشار

بولاقلارین شیمشک کیمی چاخناشار

سئللرینه جانیم قوربان ای وطن

سنده واردیرمین موعجیزه مین هونر

هرنه یین گوزلدیر جانیما سینر

یازداتوپراق نغمه قوشار داش داش دینر

دیللرینه جانیم قوربان ای وطن

مئشه نی قورد آلسین داغینی دومان

سئوگینله ایلهامیم جوشدو هرزمان

سنن آیری یاشاماقدان ال آمان

ال لرینه جانیم قوربان ای وطن

 

 

# جاوید داود اوغلو

 

 

 

دبیر شعر پونه اصغرپور