شنبه ها با شعر شاعران اقوام ایرانی-شاعران

انسان اینانماییب

 

انسان اینانماییب هَله شَهده دی

 

گویلَری آختاریب، دِییر تَهده دی

 

چوخلاری مکه ده تَهِ صَفده دی

 

اَلله ی دینله ییر، اِئده عرضِ حال

 

اِذن آلیب قاییدا، سالا قال مَقال

 

آختاریب اوءزینی یوءرما عموغلی

 

یوخسولین قانینی سورما عموغلی

 

مظلوما دایاق اول ، وئرما عموغلی

 

خالیق گوءیده اولار گَزَر یِئرده دَه

 

انسانلا یاشایار، هَرگوءن هَر وَعده

 

اِئلیاری اینجیدیب گتیزمَز زارا

 

اوخلاییب کونلینی،وئرماز مین یارا

 

ایسته مَز بنده سی توش گلسین خارا

 

نه اِئوی کعبه ده ، نه مین رَهده دی

 

مَسکَنی پاک اولان اورَحلَرده دی

 

سخاوت سعداله زاده (اِئلیار)

 

 

 

 

استاد آختاریر

داریخیب سینه ده سازلار آغلاییر

دده حسین آدلی استاد آختاریر

یانیخلی سسیله اؤرک داغلاییر

دده حسین آدلی استاد آختاریر

 

هر نه سیزیلداییر آرام اولانمیر

دئییر ندن دونیا اؤتا قالانمیر

ایسی سین هر کسدن آلیر آلانمیر

دده حسین آدلی استاد آختاریر

 

قارا بولوتلار تک اؤره یی دؤلموش

حسرتینده یانیب گول کیمی سؤلموش

کرشان ماحالیندان یادگار اولموش

دده حسین آدلی استاد آختاریر

 

ناله سی داغلاری داشلاری سؤکور

صنعت اوجاقینا اؤت الؤو تؤکور

اؤزان بابالارین آدینی چکیر

دده حسین آدلی استاد آختاریر

 

بؤش یئرین درد گؤرور (غم اوغلو) ائله

محنتین چؤخالدير هر ایلدن ایله

گاهدان بمه چکیر ، گاهدان دا ، زیله

دده حسین آدلی استاد آختاریر

 

شاعر غم اوغلو

 

 

اؤتور ائودن دالاناباخ

منی مندن آلانا باخ

هوری اولموش قارا شاهمار

اؤرگیمی چالانا باخ

 

دونیام گؤزیمده قؤر اولوب

گؤزلریم باخار کؤر اؤلوب

یئدیگیم زهر چؤر اؤلوب

منی درده سالانا باخ

 

اؤرک باتیب اؤز یاسیندا

آرزوم یاشام دعواسیندا

گؤناه کیمین آناسیندا

گئتمه دایان قالانا باخ

 

اژدها اودور داغلاری

سئللر آپاریر باغلاری

شئیورین بو خوش چاقلاری

دایان توتک چا لانا باخ

 

شئیور

 

 

من سنی اونودا بیلمه یه جه یم

ایله داریخمیشام یئرین گورونور

سن هاراگئتدسنده بیل منیم کی سن

ندنسه آرخانجا فیکریم سؤرؤنور

 

شبهلی آجی لار دورور اؤنومده

بیر قورو جانیم وار بیرده نفسیم

دلی بیر لیلی یم وارلیقیم جنون

دونیانین واریندان تکجه سن بصیم

 

قیسقانیر اؤزگله لر بیزی گورنده

باخیب ؛ اؤزوموزه دوداقین بؤزور

کلمه لر سؤزولور گوز دَنیزیمدن

اینجی باخیشلارین قلبیمی اؤزور

 

من سنی اونودا بیلمه یه جه یم

بیر سئوگئی ایچیمده اؤزونو بوغور

آرایلی دونیامین دلی سی سن سن

هرگون اؤره ییمده سئوگئی نی دوغور

 

#آرایلی_تورک_قیزیچ

 

دبیر بخش شعر اقوام ایرانی پونه اصغرپور