۱۳۵۱-جی گونش ایلینده 
زنگاندا دونیایا گؤز آچدیم، اؤزومو تاپاندان سونرا ادبیات ساحه‌سینده چئشیتلی درگی‌لرده ادبی و کولتورل یازی‌لاریم آرا سیرا اوخوجولاری مراقلاندیریردی. و بونلارلا برابر ادبی درنک‌لرده حضور تاپیب اؤزومو ادبیات سئورلر ییغیناق‌لاریندا سیناغا چکیردیم.
اؤزل چالیشمام بو قونودا “فیلم نامه” یازماق اولدو بو دیرلی ایشی بؤیوک استادیم “جعفرحسنی” جنابلارینین محضرینده تهراندا بیتیردیم.
ایندی‌ایسه تورک و فارس ادبیات‌لاریندا مختلف ادبی قالب‌لرده او جمله‌دن: شعر، اویکو، نثرو… یازماغی اؤزوم اوچون بیر گؤرو سانیب و بو یولدا حؤرمتلی استادیم “دومان بختیاری” نین امک‌لریندن (بیر اوزون زامان ادبیات ساحسینده آخساخلیقدان سونرا) اولونجا فایدالانمیشام. یئری وار بورادا بو عزیزدن منیم یئنی‌دن ادبیات دونیاسینا دؤندوگوم اوچون چکدیگی‌زحمت‌لره گؤره درین میننتدارلیغیمی بیلدیرم.
دادیزدیر منه دادینی
دوداق‌لاریما بیرده
پای گتیر
داد منی
سن سیز!
آجاق دوتورام
آج
و…
آ……رزی‌سیز قالیرام
یئنی‌دن وئر منه قانادلارینی
اوجالاردان!
توپراق گؤزل‌دیر
بایراق گؤزل‌دیر
آخار سو داها گؤزل …
حبس‌دن قورتار اوچاغان قارتال‌لاری
یئر وئر اوره‌یینده،
آزادلیق سئون اینسان‌لاری
داها یورغون‌دور!
قانلی توپراق
دیل‌سیز بایراق
و آخار سویون گؤزلری …
دادیزدیر منه
اوچوقلو دوداق‌لارینی.
#ناهید-نصیری
سنین کؤلگه‌ن‌ده هر گون دالدالاندیم بیلمه‌دین،گئتدین
کدر آلتیندا گیزیلین چوخ تالاندیم بیلمه دین، گئتدین
چیچک آردینجا چیخدین ال ایاقدان گورمه دین عشقی
تیکانلیقلار الیله پارچالاندیم بیلمه دین، گئتدین
یووا قوردوم خیالیمدا قوجاغیندان اوچان قوش تک
من آمما قانلی رویادن اویاندیم بیلمه دین، گئتدین
کونول هر بیر یئتندن سوز ائشیتدی دولدو دردیله
چاخیر تک ایستیکانلاردان جالاندیم بیلمه دین، گئتدین
گئنیش ساحیلده آردینجا دولاندی کؤلگه‌م ایستک‌له
هر آخشام بیر دنیز تک چیپچالاندیم بیلمه دین، گئتدین
آلوولاندیم قیروولی قیشدا دوشموش آیریلیقلاردان
کؤز اولدوم اود توتوب حسرتله یاندیم بیلمه‌دین، گئتدین
ایزیمدن اوز چئویردیم گئدیم آخیر اصلیمه ساری
« تبسم»لردن آرتیقراق اووساندیم بیلمه دین، گئتدین
نه ساده گؤز یوموپ گئتدین جانیم چیخدی بو یوللاردا
آیاقدان دوشدوم آخریدا دایاندیم بیلمه دین، گئتدین
ال اوزدوم بو یازیق سؤزدن، نه حال ایله شئعیرلرده
اونو چوخ ساده‌جه هر لحظه داندیم بیلمه دین، گئتدین
پریشان گزدیم آردینجا، زارا گلدی الیمدن یول
دوشوب من داغ، داشی گیزلین دولاندیم بیلمه‌دین، گئتدین
تبسم_رضازاده«شدتی»
نیلوفرآبی
ال آچیر دیله‌نیر سئوگی‌نی گزیر،
اوریی کدردن باغلاییب پاخیر!
خییاوان بویوندا سورونن باخیش،
گلیب گئدن‌لرین آرخاسی‌جادیر.
ایشیمدن هر آخشام ائوه دؤنن‌ده،
قووشاغین باشیندا گؤرورم اونو.
باخارکن گؤزومه آچیق گؤرونور،
گؤزونون ایچینده دونیانین سونو!
بیر الده بیر پاکات ساققیز ساخلاییر،
چئیینه‌یین توپورون یالان شهره!
بلکه ده دونیانی آرجا گؤرمه‌یه،
بیر الده گؤزلوک وار ساتیر بیزلره!
بوراسی دونیانین سون دوراغی‌دیر،
اونون قوجاغیندا بوی آتیر کدر.
سیلنده گؤرورکی دردی اوتوب‌لار،
ایل‌لردیر توز ایچره قالان گؤزگولر!
شهرام رستمی
محمد علی سلیمان زاده متخلص به مهریار 
ساکن تبریز متولد روستای قزلجه از توابه شهرستان هریس متولد ۱۳۴۱
قان اولماسن
ایسته سن عشقین کیمی عشقیم ده جولان اولماسین
گئت دولان اغیاریله جسمیمده قوی جان اولماسین
…………………………….
چوخ دولاندیم کوی عشقینده وفا من گورمه دیم
ایندی کی یوخدور وفا رحم ائله عصیان اولماسین
……………………………..
من جوانلیق گون لَرین وئردیم الیمدن نازیوا
داد اوگوندن سئوگینین، عشقینده پیمان اولماسین
……………………………..
باغبانین کیمدی ای،گول باغیمی ویران ائدیب
چوخ دییردیم نازنین، اغیاره میدان اولماسین
…………………….
گوزلرینده بیر باخیش وار، آربادور جان قیمتی
باخ منه آل جانیمی، قیمت ده ارزان اولماسین
……………………..
یار گوزل اولدیقجا عشوه، چوخ ائدَر شیدا سینه
نازلی یارین کاش جمالی ماه تابان اولماسین
……………………..
اوگوزل لیکده گئدر قالماز سنه آز ناز ائله
هر نازین بیرجان آلیر،انصاف ائله قان اولماسین
…………………………….
آستاناندا توپراق اولدوم نئنه مک محتاجیدیم
من اگیلدیکجه اوجالدین، وصله امکان اولماسین
………………………..
“مهریار “صبر ائله واردور، هر گوله آخیر خزان
آلله هیچ کیم عشقیده من تک پریشان اولماسین
…………………………………….
سلیمان زاده ( مهریار)
پونه اصغرپور
ارسال دیدگاه