شنبه ها با شعر شاعران اقوام ایرانی _شاعران

صیّاد جعفرزاده کلیبر(معرف به دَده صیّاد)

 

(چال ها چال ائیلَر )

 

قارداغدا چوخدیر ، اوره گی

تمیز

نه یالان دانیشَر، نه ده آل

ائیلَر

وئرمز عشق اهلینه ذره غم

کَدر

اورک سئویندیرَر،حال به حال

ائیلَر

 

خسرو سرتیبی تک ، ناطقی واردیر

نباتینین ، آدی ، دیلینده

جاردیر

اونا مولام علی ، دئییرم

یاردیر

شکر سؤز دانیشار ، بیرده بال

ائیلَر

 

ائدر قوناقینا ، حورمت هر

زامان

مرد ایگیدلر مسکنی دیر، گل

اینان

اولماز قاراداغ تک، دونیاده

جانان

کیم اَیری سریسه ، قدّین دال

ائیلَر

 

آذربایجانیمدا ، چوخ قهرمانلار

قارداغ یولوندا ، وئریبدیر

جانلار

بویوللا قازانیب ، شهرتله

شانلار

بویولدا ، افتخار ، نه ملال

ائیلُر

 

وار نبی تک جوانشیر تک بالاسی

هجَرتک ، سارا تک، چوخدور

آناسی

اونا آدسان وئرن ، بابک

قالاسی

اوردا “صیّاد”سازین، چال ها چال ائیلَر

 

(یازانی آشیق صیّاد کلیبرلی)

 

چول باییردا اوزومونن گزیردیم

کچن گونلر یادا دوشدو داریخدیم

کور کووشنده تای توشونان گزمییم

گویلومه سر صادا دوشدو داریخدیم

 

الجه ییمین جرخلارین تیهمیشم

ائوجییمی دوزتمیشم سوهمیشم

خرمن پایین اته ییمه توهمیشم

خاطیرئما اودا دوشدو داریخدیم

 

پالچخ دووار کیمی من شِه چکیرم

سزئلدییب شوملاییرام چوکورم

زئرلدییب هی ایچیمی چکیرم

اورییمه قادا دوشدو داریخدیم

 

خیالیم ‌ جان‌ وئریر نیسگیل پایلئیر

چرچی گلیب بره لردن هایلئیر

قاب باجادان اوشاقدی کی بویلئیر

طاماهیم هر زادا دوشدو داریخدیم

 

مئیلیم تانیش آرزیلاردا تاپیلار

چوره کیمی تندیرلره یاپیلار

یانیر آغاش پنجره لر قاپیلار

گوزوم ایندی یادا دوشدو داریخدی

 

آراز قیراغیندا پوزقون گولم من

آغلامالی گونلر قویمور گولم من

دئشمه منی چوخدان قالمیش کولم من

واریم یوخوم اودا دوشدو داریخدیم

 

#علیرضا__بخشی

 

سئوگی

 

بوسئوگیمیز ،بوعشقیمیز

تاریخلرده یازیلاجاق

سئودالارین یادداشیندا

سینه لرده ،قازیلاجاق

 

گیله گیله، اوگؤزلرون

شیریندی سه،اوسؤزلرون

خاطریمده کی ایزلرون

ناغیل لاردا یؤزولاجاق

 

“آراز”بویدا آرزولارین

باخیش لارون دویغولارین

اومعنالی سؤرقو لارین

تئلی سازدا سؤز اولاجاق

 

آراز_آوانسر

محرم میرزاده

 

گول ای گول

 

عشقین اودونا من یانیرام ،سنده گول ای گول

گوز یاشلاریما ایسلانیرام، سنده گول ای گول

 

اغیاریله مین کئفده گزیرسن باغی من سیز

منده او باغا بویلانیرام. سنده گول ای گول

 

یئردن گویه جک ظولم ائلییب سن منه سس سیز

یئرسیز ویصالا آللانیرام،سنده گول ای گول

 

مکتبدن اوزاق سالدی منی مکتوبون افسوس

هر بیر ایلیمی زای سانیرام ، سنده گول ای گول

 

کیرپیکلرین اوخدور گوزون اووچو سوزو شیرین

من اوسونونا اوولانیرام ، سنده گول ای گول

 

بیلمم سئوَنین وار نه گناهی چکه آخ وای

بو قیسمته من اودلانیرام ، سنده گول ای گول

 

گول، “مهریارا “هر گولوشون بیر دم عیسا

منده گولوشه تولانیرام سنده گول ای گول

 

 

 

پونه اصغرپور ____________\/_________\/____________________