نام کاربری یا نشانی ایمیل
رمز عبور
مرا به خاطر بسپار
ابولفضل فکوری (سیرداش) گۆنش ایلی ۱۳۴۴ ده قاراداغ اؤلکه سینین، اهر ماحالیندا دۆنیا یا گؤز آچمیش. “کرکوک” بیر منی یوخلاسان اوره ییم اوخلاسان دالداندا ساخلاسان (سنینله یم من) بیر منی آتماسان اؤزگه یه قاتماسان اوجوزا ساتماسان (سنینله یم من) منی آلقیشلاسان سئوگیمی خوشلاسان حایات باغیشلاسان (سنینله یم من) دؤن کرکوکه ساری […]
ابولفضل فکوری
(سیرداش)
گۆنش ایلی ۱۳۴۴ ده
قاراداغ اؤلکه سینین، اهر ماحالیندا دۆنیا یا گؤز آچمیش.
“کرکوک”
بیر منی یوخلاسان
اوره ییم اوخلاسان
دالداندا ساخلاسان
(سنینله یم من)
بیر منی آتماسان
اؤزگه یه قاتماسان
اوجوزا ساتماسان
منی آلقیشلاسان
سئوگیمی خوشلاسان
حایات باغیشلاسان
دؤن کرکوکه ساری
اول کؤنلومون یاری
اونودما ایلقاری
گل اؤره ییمه دول
سال قوللاریما قول
یئنه “سیرداش” یم اول
ابوالفضل فکوری
«سیرداش»
زهرا فردی مغانلو
تاخما آد (ساچلی)
خیاو(مشکین شهرین) قیلچیقلی کندینده
دوغوم گونو ۱۰-۴-۱۳۶۱
هنر ساحه‌سینده چالیشمالاری ؛
معرق کاری.قالی بافی.شبه قالی.گل کرستال…
ایشیق اوزونه چیخان کتابی: “یاردان باخاندا “عنوانیندا و مشترک کتاب “ایرانیم منیم”
باغلاردان باغلارام گولون دسته سین
سئونده دلبرین بویو بسته سین
یاناغی لاله سین دوداق پسته سین
مئه لره وئرنده تئل گوله-گوله
داغلارین زیروه سی یئرین گوزودور
شاعیرلرین دویغوسودو -سوزودور
باشدا دواق گلینلرین اوزودور
باغلایب بولبوله بئل گوله-گوله
داغ لارین بره سی مئه دی هم کولک
قوینوندا جئیرانا باخ اورکک-اورکک
گوللرین باشینا دونسون کپنک
آپارسین سئوگیه یئل گوله-گوله
عبدالله عباسیان
متخلص به عباسی
۱۳۴۰/۷/۷هجری شمسی در یکی از روستاهای شهرستان اهر بنام روستای یخفروزان(آرپیزان)
و حاصل سالها تلاش و دستاوردهای ایشان ۶ جلد کتاب میباشد که در دست تدوین و تکمیل و آماده چاپ میباشد
*یئتیررم*
تابلاش اوره گیم دردینی درمانه یئتیررم
چوخ اولما پریشان سنی لوقمانه یئتیررم
درمان سیزاولان دردلره درماندی محبت
سن ائیله محبّت دولو پئیمانه یئتیررم
بیلدیم کی سنی عشق سالیبدیر بئله بنده
بولبولده اولان عشقی گولوستانه یئتیررم
دونیاده دئدیم قوخما بوعشقین خطریندن
سن ائیله دوعا من سنه صددانه یئتیررم
تسبیح ودوعاائیله کی دوستلار یولا گلسین
حتمن اوگوزه ل اللری دوستانه یئتیررم
فاش ائیلمه دردیم دئدیم اغیاره دانیشما
محرم سن اول اسراریمه جانانه یئتیررم
عباسینی گرگوشه ی میخانه ده گوردون
سعی ائیلیرم جامیله پیمانه یئتیررم
عبدالله عباسیان (عباسی)
اوریین قارداش
سوز وارکی گولله دن چوخ پیس پارچالار
قانان اینسانلارین اوریین قارداش
عتییاج اونونده باش ائینلرین
کاورده گورمه سن به به یین قارداش
یوخسول عالیم اولا سوزو کار وئرمز
دئییرمان فیرلادا اوزو کار وئرمز
قوراندان دون گییئه دوزو کار وئرمز
چکمک اولماز اوزه امه یین قارداش
وارلینین یالانی توتاللار گئرچک
آند ایچر باشینا یالتاقلار تک تک
بارماغین اوزادیب گوز توکمز فلک
دیلدن دوشر گورمز کومه یین قارداش
زامان دئییشیلیب پول فرمان وئریر
شیطانا درس وئرن هی قوربان وئریر
حاقینین اوستوندن (کئیوان) جان وئریر
تاپانماز هئچ ایسته یین قارداش
(کئیوان) حسئیین اوغلو
بورچالی ماحالینین بؤیۆک موغانلی کندینده آنادان اولموشام
.اوزون ایللردی کی مطبوعاتدا چالیشیرام. ۱۵ کیتاب مواللیفییم، کیتابلاریم مختلیف دیللرده چاپ اوْلوْنوب
چکیرم
دایان آیاق ساخلا گؤزلریمه باخ
من آشیق نازینی بئله چکیرم
اۆره کدن سئومکده دئییلکی گۆناه
دردین شله سینی بئله چکیرم
بو عشق آتشیمی یاییر هر یانا
گؤزۆمدن اوْد آلیر باخ یانا -یانا
روحومون آتشی سیغمیر جاهانا
عشقین زیروه سینه پیلله چکیرم
وارلیغیما هؤپان گۆلۆن عطرینی
چمنین عطرینی چؤلۆن عطرینی
یاغیشین عطرینی سئلین عطرینی
اؤزۆمله سن گلن یوْلا چکیرم
«ماحال قیزی»عشق له،تاپار مورازی
دیندیره ر سینه ده صدفلی سازی
اؤتۆرۆب عمۆردن ،پاییزی، یازی
بمی پرده لردن زیله چکیرم
ادریس آقازاده غمگین
تبریز
۱۳۹۵/۶/۵
ایتیرمیشم گؤزۆمۆ
باغیشلاسین ائل منی،ایتیرمیشم گؤزۆمۆ
آختاریرام دۆنیادا، تاپانمیرام اؤزۆمۆ
شن حیاتین لامپاسی،آل گونشی سؤنۆبدۆ
دۆنیا داها قارانلیق، بیر بوجاغا دؤنۆبدۆ
اللریمی سۆرتۆرم، یئره تورپاق یاندیریر
اوره ییمی دریندن،دردی دویماق یاندیریر
زۆلۆم-زۆلۆم آغلاشیر،باشیم اۆسته بولودلار
یاواش-یاواش یئنیدن،باش قالدیریر گوی اوتلار
یاشیللاشیر طبیعت، قوجاغیندا یئللرین
بولبوللر اؤتۆشۆرلر، بوداغیندا گۆللرین
یوردوموزون یام یاشیل،کووشه نینده هرسحر
قاققیل داشیر قایادا،قلم قاشلی ککلیکلر.
قاناد آچیر سماءدا،قاطار–قاطار دورنالار
ماوی گؤزلۆ دنیزده ،یاشیل باشلی سونالار.
ایلهام آلیر گوزللر، گئیینیر آل قوماشا.
گولوشلری جالانیر،گونش کیمی داغ- داشا.
تارلالاردا بوی آتیر،ساری سونبول بوغدالار.
خالقیمیزین بول اولو،ایل زوماری بوچاغلار.
تاری وئرسین برکت، سئوینسین ائل اوره یی
خان نه نه لر پیشیرسین،دادلی دوزلو چوره یی.
قوووت اولسون قوللارا،گوزلره نور گتیرسین.
حققی سئون کسلری،آرزولارا یئتیرسین.
حیات بویو گؤرمه سین،ائللریمیز غم-کدر.
زامان-زامان دینله سین،قولاق لاری خوش خبر.
دؤیۆش-ساواش اولماسین آرزوم بودور دۆنیادا
صلح و صفا ایچینده هاممی چاتسین مورادا
ادریس آقازاده ، غمگین
پونه اصغرپور _____________________♡
این مطلب بدون برچسب می باشد.
زانا کوردستانی / عصر دیروز "رسول محمدیان" خواننده‌ی اسفراینی، در منزلش درگذشت.
زانا کوردستانی / کرسی جوان ترین استاد ریاضی دانشگاه زوریخ به ریاضی‌دان شهر سقزی رسید.
لیلا طیبی / نام و تصویر «علی رهبری» آهنگساز و رهبر بینالمللی ارکستر ایرانی در مجموعه اُپرای مارینسکی سنت پترزبورگ روسیه ثبت شد.
زانا کوردستانی / فیلم سینمایی «گیجگاه» به کارگردانی عادل تبریزی و تهیهکندگی حنیف سروری و میرولیاله مدنی از جشنوارهی روسیه جایزه گرفت.