نام کاربری یا نشانی ایمیل
رمز عبور
مرا به خاطر بسپار
دونیا سنین اولسون سلیمان کیمین، لیاقتین یوخسا نه فایداسی وار. سئل کیمی، جوشلانیب ،آشسا دؤولتین، سخاوتین یوخسا نه فایداسی وار.
تانيشا-اؤزگه یه خئیرین چاتماسا، کؤلگه نده دینجه لیب، کیمسه یاتماسا، بیريوخسول سوفره نده چؤره ک دادماسا، کرامتين یوخسا نه فایداسی وار.
شؤهرتين، شؤوکتين هریاناچاتا ساغیندان گون چیخا ،سولدان آی باتا قونشوندا بیرنفر گجه آج یاتا شرافتين یوخسا نه فایداسی وار.
بیرجه آن اللهی اونوتمایاسان، دستمازسویونو قوروتمایاسان، سحردن- آخشاما قنوت نوتاسان، صداقتين یوخسا نه فایداسی وار.
آرخا دوروب، ائل قایدینا قالماسان، غملی اوره کلرین کؤنلون آلماسان، قوهوم اقربانی یادا سالماسان، معرفتین یوخسانه فایداسی وار.
جبراییل حدیندن آشسا ثروتین، هرائلده ،اؤلکه ده اولسا صؤحبتین، قارداشدان- باجیدان کسسن الفتین، الفویتین یوخسا نه فایداسی وار
جبرئیل احمدی. .تاریخ تولد۱۳۶۲ .شهرستان خیاو ساکن تهران
#جبرئیل احمدی ( ائلیار)
باهار سوزور ياناقلارا یاغیش،توتاندا گوزلرین دیل آچدی گول غزللریم منه چاتاندا سؤزلرین
سحر-نسیم باده سی ائده نده مست بولبولو، اوره کده دالغالاندیریر آلوولو سئوگی ایزلرین
طوفاندا بیر شرر منم گونش دن الهام آلمیشام آلیبدی باغرینا منی سوز سارایی دنیز لرین
یولوندا انتظار چکن گوزلریمه ناغیل دئییر داغ بره سینده هایلاییب اووچو گزنده دوزلرین
هایاندا باغری قان ائدیر،چرخ فلک گیجه للنیر جننت رضواندی منه اولوم چاتاندا دیزلرین
#ساچلی
داریخمالار
بیر منم بیرده فیکیردیر اویاقیق بیز گجه له ر آی ا گوز اولماداییق چون آیاقیق بیز گجه له ر
بورویوب دور منی سانکی کولو چورلار بوروموش او منه منده اونا بیر دایاقیق بیز گجه له ر
او گئدیر کی سحر اولسون گونشه یول آچیلا گونشین تندیرینه بیر دوواقیق بیز گجه له ر
هله باخماقدادی دان اولدوزو صبح اولسا یاتا گجه نی صبحه قدرده قوناقیق بیز گجه له ر
منیلن بیرده فیکیر باش باشا قویساقدا یئره چالیشیب ویرنیخاراق گاه اویاریق بیز گجه له ر
او منه حیرص وئرر منده اونا گوج گله رک گجه نی بیر تهری هی سوواریق بیز گجه له ر
یوخو گلمیر گوزه اویسون بو قارانلیق گجه ده اوچوروملو حیاتین دام دوواریندا سوواقیق بیز گجه له ر
گوزو چیخمیش بو فیکیر له ر دییه سن هج سونو یوخ اونودا چالما کئشیک اویکولاریلا قوواریق بیز گجه له ر
یئنه خفدن تپیلیب بوغماقا ال قالدیریری چاتسا گوج اولسا بیلکده بوغاریق بیز گجه له ر
بو نجه درد دی چاتیلمیش بئلیمیزده شله دیر بو سایاق گئدسه یاشامدان قالاریق بیز گجه له ر
چوخلو غمله ر بوروموش فیکر پریشانیمیزی یئریشه یوخ قیچیمیزدا چولاقیق بیز گجه له ر
گلمیری بیرجه هنیرتی نده سس یاردیم اولا چارا قیلسین دییه گلمیش قولاقیق بیز گجه له ر
گلمه دی توش نیه بختیم بئله خوشلوقلارینان سوروشارکن اوز اوزومدن اوماریق بیز گجه له ر
آللاهیم بیر سن اوزون ائت چارا قیل درده دوا بو دیزج لی دئمه میش جان جهاندان دویاریق بیز گجه له ر
#دیزج لی شهریار
دوروم بو شهرین هاراسین گزیم؟ اویاق کوچه‌لری سولنمیشم داا او گوندن اؤزومو آلمیشام اله… نه قاپی، باجا وار دیلنمیشم داا
ائله لله گیریان آختاریرام کی بوغولموش خاطیره قارشیما چیخیر ائله باختیم اولوب اوزو کؤلگه‌لی سنسیزلیک قورخوسو جانیمی سیخیر
یئر، گؤیو گزمک‌له اوره‌ییم قیزمیر داشین آلتینی دا گؤزدن قویمورام سنسیز بیر شهَر یوخ، مین شهَر اولا بیر ائوچیک بیلمیرم، تانیش سایمیرام
دیل اولوب دیلله‌نیب منه دام، دووار کیمسه سوراغینی وئرن اولماییب بیر سورو جماعات دوشوب بازارا قورو کؤلگه‌نی ده گؤرن اولماییب
بوتون اوتانماغی قویوب قیراغا، دیلی سؤز توتانا آغیز آچمیشام باغلانیب اوزومه قاپی‌لار، یئنه بیر اؤگئی سسه‌ده چؤله قاچمیشام
من‌له ایکی گیله کلمه کسمه‌دین هارانین داشینی باشیما سالیم؟! جانینی گؤتوروب چیخدین آرادان من هانسی بوجاقدا قیسیلی قالیم؟
گؤزلرین هایاندا ایچدی قارانلیق؟ شهر بیر، بیرینین جانینا دوشدو شیرین یوخوما دا گله بیلمه‌دین دَییشدی آلنیمدا یازی، دَییشدی
یاندیم یامان کؤکده پاییز اودونا یئنی‌دن قول آچیب، یارپاقلامایام تووبا کله‌یینی قوردوم، کی بیر ده قوندارما سئوگی‌یه بئل باغلامایام
#یعقوب_نیکزاد
تهیه و تنظیم:پونه اصغرپور
دبیر سرویس شعر “شاعران اقوام ترک زبان ایرانی ” رسانه
IMG_7692 سعدی‌نامه 🌹دوشنبه هر هفته یک حکایت از بوستان‌خداوندگار سخن سعدی🦋 #باب‌‌‌چهارم‌در‌تواضع #گوشه‌شهناز #دستگاه‌‌‌‌شور با دلنشین‌‌‌سه‌تار استاد باهنر شنیدم که فرزانه‌ای حق پرست گریبان گرفتش یکی رند مست از آن تیره دل مرد صافی درون قفا خورد و سر بر نکرد از سکون یکی گفتش آخر نه مردی تو نیز؟ تحمل دریغ است از این […]
موسیقی در اندیشه عرفانی مولانا مولانا موسیقی را مربوط به آسمان‌ها و به‌نوعی علم غیب و راز می‌داند. برای مولانا موسیقی صرفاً یک رمز برای بیان رازها نیست؛ بلکه او به عنوان یک عارف به این مسأله معتقد است. ریشۀ این اندیشه، به فیثاغورس می‌رسد که معتقد بود، موسیقی از آن افلاک است. به عقیدۀ […]
کاریز شاهکار مهندسی آب و نماد هم نوایی انسان با طبیعت (بخش اول) آب برای مردمان باستان نماد نیروی طبیعت و عامل مهمی برای حاصلخیزی خاک محسوب می شده و همچنین منبع وفور محصول و شکوفایی طبیعت، آب بوده است. در همین دوران عقاید اسرارآمیزی پیرامون آب شکل می گیرد تا جایی که آب تقدس […]
نقد و نظر بر دفتر شعر ” تبعید صدا ” شاعر : جعفر محمدی واجارگاهی…