نام کاربری یا نشانی ایمیل
رمز عبور
مرا به خاطر بسپار
شمس اله آقایی ۱۹۶۳ میلادی ایلین آوریل آیئنن بیرینجی گونو قره داغئن خدافرین منطقه سینین مفروزلو ( ماهروزلو) کندینده گونش ایلینین فروردین آیئنن اون ایکیسینده دونیایا گوز آچمیش داغلارین ************ یازگونودو، بیر قایانین باشیندا شیمشک گؤیده، منده بوردا چاخیرام اوزاقلارا حسرت – حسرت گؤز تیکیب ال چنه ده بو داغلارا باخیرام نه گؤزلدی منظره سی داغلارین
چن بورویوب داغی – داشی، دره نی خوش حالینا، بوردا عؤمور سۆره نی بیر قیز بوردا چالخالاییر نئهره نی یئمه لیدی بال – کره سی داغلارین
توتک سسی، اۆره ییمین داغیدی قسم اولسون، بورا جنّت باغیدی یایلاقلارین، لاپ بال دامان چاغیدی بوردا اولدوم دیوانه سی داغلارین
یازیق جانیم، شَهَرلرده چۆرویوب بوردا گۆللر یال- یاماجی بۆرویوب یاتان قارلار، گۆنئیلرده اریییب نه گؤیچکدی اوْ زیروه سی داغلارین
“شمس اله”یام، ایتیرمیشم سؤزومو یول اوُزونو، شئهله یودوم اۆزومو دۆز واختیندا یئتیرمیشم اؤزومو آچیلیبدی پنجره سی داغلارین
شمس اله آقایی
قاراداغ، چپرلی یایلاقلاری، ************************* داریخما دار کوچه لرده، داریخما سئوگی پاییم! سیخینتیلار آراسیندا، سینیخما سئوگی پاییم!
سنین سحر باخیشیندا گونش ساچین داراییر قاماشدی گوزلریم آنجاق، کاریخما سئوگی پاییم!
وَ پورتره چکیلیبسن، قالارقی گوزگولره عومور _ عومور اوره ییمدن، قانیخما سئوگی پاییم!
یازین یاشیل اته ییندن سنه گولوش دریرم دومانلی گونلریمیزدن جانیخما سئوگی پاییم!
قانا بوکولمیش ایزیمده بولاغ _ بولاغ آخیرام ساراي لی آرپاچاییمدا یانیخما سئوگی پاییم!
بورا ایشیقلی بیر ” آیتای ” گرک دی ظولمت آرا اوترگی بر-بزه یین وارسا ، چیخما سئوگی پاییم!
مهناز. ص. آیتای ************* تهیه : پونه اصغر پور تنظیم : رامک تابنده
این مطلب بدون برچسب می باشد.