معرفی شاعر:یعقوب حضرتی
یعقوب حضرتی متولد۱۳۳۶.آذرشهر.کارشناس زبان وادب فارسی.دبیربازنسته ادبیات.آثارچاب شده.مجموعه ترکی ایسلانمیش نیسگیل لر.داستان توفارقانلی آشیق عابباس.مجموعه فارسی دلتنگم. ارائه چندمقاله تحقیقی وزبانشناسی وتنقیدی.موسس انجمن ادبی سخن آذرشهر.بازنشسته ودرانتظار روز…….
قوملو ساحیلده گوزوم مورگوله نیب دیرسحره
بوفانیس لارآسیلیب لار یولا بیرخوش خبره
من بوتایدان سنه حسرت سن اوتایدان آسیلی
سالمیسان وارلیقیوی بیرگوروش اوسته خطره
قورخورام گوز ده یه ساحیل ده سنه اوزآدیمی
سالمیشام بوینووا هردن باخاسان گوزنظره
من بوطبعیله سنه طوطی اولوم منله قونوش
سن داداندیردین ازلدن منی قنده شکره
گل یاغیم حسرتیمی گوزدن اوزه ماوی خزر
بیزی حئیران گدیگیندن یولا سالسین سفره
بیرگه یاندیق بیزه هئچ کیمسه دایاق دورمادی آه
تانری داچکمه دی باش بیرکره من بیرنفره
بیردری بیر سوموک ائتمیش بیزی آیریلاغیمیز
بوآرازدان گویه رن کورپوده وئرمیرثمره
کورپونو گئچ بو تایا سئیره چیخاق داغ دره ده
سون قویاق بلکه بوتوپراقدا داها غم کدره
سارماشیق تک ساریشیم قوللارووا اوخشامنی
سنده آچ تئللریوی کولگه سی دوشسون قمره
سنی یوللار اوزونو بکله مه دن قیوریلدیم
گلمه دین گلدی ولی تور بوقاراکورپه لره
ایندی کی وارنفسیم دولدور ایچیم وئرمه گولوم
من اولندن سورا قبراوسته گولابی هدره
آذرشهر.یعقوب حضرتی
تیر آبی ۱۴۰۲
*******************************
معرفی شاعر:یعقوب نیکزاد
سنی هر گون اؤزومه یامسیلادیم جان‌دردی
گؤزومو گوزگولر اوسته جالادیم جان‌دردی
گؤردوم آخیر بو شهر سئوگیمیزی ایزله‌یه‌جک
آدینی قوشمالاریمدان یالادیم جان‌دردی
یاز یاشیللیقلاریمی بوکدوسه جانسیز خزله
بیر تهر کئچمیشیمی قورشالادیم جان‌دردی
گنجلیک طالعیمی چوخلو قارانلیق بورودو
قوجالیق گلدی، دوروب قارشیلادیم جان‌دردی
بونجا سندن دانیشان گؤللره چوخ قییمازیدیم
غئیرت ال وئردی کؤکوندن تالادیم جان‌دردی
یاخاما دوغما خیال‌لار داراشیردی هر گون
آدینا یئددی کیتاب ایمضالادیم جان‌دردی
شعر توخداتمادی بیلدیم اوره‌یین آغریسینی
سانا گلمز یاراما بوز قالادیم جان‌دردی
اشی! بوندان چؤرک اولماز بیزه، اولماز، اولماز
بوش‌قارینلا دولانیر یوخسول آدیم جان‌دردی
#یعقوب_نیکزاد
**********************************
ارسال دیدگاه