“منیم نگاریما…”با شاعران مخاطب ترک زبان ایران در رسانه ایرانیان اروپا
گوروبدی دئسین
منیم نگاریما تای بیر نفر گوروبدی دئسین
اوزون هوروک،قاراگوز،لب شکر،گوروبدی دئسین
کمانی قاش،مژه اوخ،دیش صدف بوعالمده
یاناقی آلما،خالی مشک تر گوروبدی دئسین
قدی خجالت ائدیر سروی یا که شمشادی
فلک اوزی بئله نازک کمر گوروبدی دئسین
بوجلوه ده بو جمالدا بودقد و قامت ده
اگر بو الکه ده بیر رهگذر گوروبدی دئسین
وارین یوخین اوتوزان عشوه ای نگاره گوره
یرین اوزونده بئله عشوه گر گوروبدی دئسین
آتیب نقابی ئوزین دن بوماه پاریه تای
سئوال ایلیون اهل هنر گوروبدی دئسین
خلیل آتش نمرودی گوز قاباقئندا
بو کونلومون اوتی تک شعله ور گوروبدی دئسین
گزنده داغ داشی مجنون،کی لیلی نی تاپسئن
منیم کیمی سوروشون دربه در گوروبدی دئسین
گئدن ده یول نچه مین نازیله،بوشهراهلی
گوزوم کیمی اونا بیر همسفر گوروبدی دئسین
دئدیم کی (خسرو)اوزی شیرینین سراغیندا
اوکوهکن کیمی خونین جگر گوروبدی دئسین
#احمدخسروشاهی
********************
ایللردی غریب یانمادایام ، اوز اوجاغیمدا
ایللردی غزل پایلامیشام دیل دوداغیمدا
بایقوش یوواسی اولمادا ! باغریم سوکه سوکدی
بیلمیرله خزایین دا یوخوم بور بوجاغیمدا
دوندرمه سز اوز چاغلیقیما سرگین اولارسیز
چوخداندی غزللر دیل آچانمیر واراغیمدا
ائشمه یارامی ، یانمیش ایرین قان داماریمدا
کوسکون آغاجام ، بالتا بئجردیم بوداغیمدا
اوزدوم الیمی دای گوزوپالچیقلی زاماننان
بوببی یئرینه قارقا قاریلدیر قولاغیمدا
شعریمله سیزی ساشماقا ، آنساز یئری قالمیر
مین ماهنی بوغودی داهی غربت قوجاغیمدا
بهتان دئمیرم دوشمانیم اوز دوستوم اولوبدی
دوستون شاپالاق رددی قالیبدیر یاناغیمدا
بیر دیش منیم آغزیمدا ، قوناق قالمایان اولدی
داد دوز لارین آخ دای دادی قالمیر داماغیمدا
#ناصر ضیا چهره
**************************
تهیه: پونه اصغرپور
تنظیم: رامک تابنده
ارسال دیدگاه