هر هفته با شعر اقوام و گویش های ایرانی،برگزیده ای از شاعران معاصر ترک زبان ایرانی

شهرام رستمی متولد۱۳۶۶ در قشلاق بخش گوگان به دنیا آمده،او در قالب‌های مانی،گرایلی،قوشما به زبان مادریش شعر مینویسد.او چندین مقام در جشنواره‌های شعر را به خود اختصاص داده است.

عینی بیر شهرده یاشاماساق دا،
یاشادیق سئوگی‌نین گؤزل آن‌لارین.
کیلومتر-کیلومتر اوزاق اولساق دا،
ال-اله دولاندیق خییاوان‌لارین!

قوی دئییم سئوگی‌میز فیلیم‌لر کیمی،
یاخشی سئکانس‌لاری یاشاییریق بیز.
اون‌سوز بو دونیانین داشینا لعنت،
دونیانی یاشادیر بیزیم سئوگیمیز!

بیر آددیم آتیرام خیال‌لاریمدا،
ال‌لریم هر آخشام ال‌لرینده‌دیر.
منی کئفله‌ندیرن اؤزومدن آلان،
او عطیر قوخوسو تئل‌لرینده‌دیر!

بلکه ده دلی‌یم بلکه ده دلی!
بیر سئوگی دملرم اونا هر سحر!
اولماسام داریخار خییاوان‌لاری،
آدینی قویموشام دلی باز شهر!.

« یعقوب نیکزاد» یازار و شاعیر ۱۳۴۷-اینجی گونش ایلینده ، ایراندا مشکین شهرین (خییوو)کؤجه نه کندیده دونیایا گؤز آچیب ، نیکزاد جنابلاری تبریز و اردبیل شهرینین بیلیم یوردوندا “ادبیات فارس” رشته سینده تحصیل ائتمگه باشلاییب. اونون یازدیغی شعیرلر و تاریخ ساحه سینده آراشدیرما مقاله لری تورک دیل’لی قونشو اؤلکه لرده سئویله‌رک مختلف درگی و قزئت لرده چاپا گئدیب.
« سلحشور شاهسونان جوادخان امیر تومان» (تاریخ ساحه سینده فارسجا دیلینده) و «گولوشونده غزل بیتیر» (تورکجه شعری توپلومو) کتاب لاردیر کی یعقوب بی نیکزاد جنابلاری یازیب، یارادیب و ایندی‌سه نئچه کتابی دا اونون قلم و دوشونجه سیله یازیلیب چاپا گئدمک اوزه‌رینده دیر.

بو ائوه نه گلیب؟ بئله پورسویور
سینسیییب، یورولور، یازیغین بیری
آغری امیزدیریر، آغی قوسدورور
آیاق اوسته اؤلور، یازیغین بیری

یاراسی اووجوندا داغا دیرماشیر
کؤلگه آیاغینی توتوب، دولاشیر
قورقوشوم نفسلی اوره‌یی داشیر
نیسگیله قوشولور، یازیغین بیری

بیر عؤمور داغلارین یوکون چکسه‌ده
اؤزو اؤز کورکونه تیکان تیکسه‌ده
تورپاغا بیر اوووج دیرلیک اکسه‌ده
قالیب باشین یولور، یازیغین بیری

اوره‌یی آرزی‌لی، تؤرنلی، تویلو
گؤزو تورپاق کیمی یئریکلی، بویلو
بئله آدی، سانی بوداقلی، سویلو
ائو، ائشیکدن اولور، یازیغین بیری

 نام : اصغر

نام خانوادگی:علیپور فروغ اصل

تاریخ تولد : ۱۳۳۳ شمسی

محل تولد :ایران . تبریز

فعالیت هنری :شاعر

تخلص شعری : فروغ (برگرفته از نام خانوادگی)

سبک شعری : غزل کلاسیک

زبان شعری:فارسی و ترکی

آثار چاپ شده: بیر سینه سوز یک قایق شقایق.

آهنگ عشق

این دو اثر فارسی و ترکی می باشد.

مین آرزوم وار اوره کده هر مین آرزوم سن سن ای جانان

جمالین باشلانیش دیر شادلیقا هم غملره پایان

اگر مین جانیم اولسا گونده مین یول ذوق و شوقیله

دولاننام باشیوه پروانه تک اوللام سنه قوربان

مریض عشقینم،سن سن طبیبیم،گَل علاج ائیله

منیم بو دردیمه شهدِ لبیندن باشقا یوخ درمان

خط و خالین عجب موشگول گشا دیر روی ماهینده

چیخاندا قرشیما گاهدان اولار موشکول لریم آسان

گولوستان سئیرینه چیخسان اگر بیرگون بو حوسنیله

بوتون گوللر گولوستاندا اولارلار حوسنیوه حیران

گوزوم آغلار قالیب دیر سن منی ترک ائیله ین گوندن

بوقدری ظولم ائدیرسن خوش دئیل،قالماز بئله دوران

اوره ک بوز باغلاییب،روحیم گزیر آردینجا آواره

قاییت گَل قوی هئچ اولمازسا سئوین سین روح سرگردان

نه دن دیر منده اولدوز گورمه ینجه چیخماییر جانیم

منیم بخت اولدوزوم گورسن گوزه،گَل بلکه چیخسین جان

فروغ آسوده لیک یوخدور سنه بو فانی دونیاده

یالاندان یالواریب مهر و وفا اومما وفاسیزدان

دکتر زینب محمدزاده متولد ۱۳۶۵ در شهر میاندوآب از توابع استان آذربایجان غربی
از سیزده سالگی با شعر و ادب مانوس گشت و این انس وافر سبب برانگیختن ذوق ادبی و سرایش شعر شد علاقه به ادبیات سبب شد تا تحصیلات خود را در همین رشته تا مقطع دکترای ادامه دهد و از سال ۹۳ با تدریس در دانشگاه در رشته ادبیات لذت عشق معلم بودن را نیز بچشد و نام صنم را به عنوان تخلص در اشعار استفاده کند و اخیرا چند نمونه از اشعار خود را در مجموعه‌ای مشترک با نام سئوگی سؤزو منتشر نموده است.

ایکی گونلیق حیات

ممکن دی خیالیمدا چاتام من اونا بیرده
چاتماز بو ایکی گونلیق حیاتین اونا بیر ده
ممکن دی فراقینده کونول بیر کوزه دونسون
مشکل دی محبت اودی چاتسین سونا بیرده
ممکن دی فغان دان اوخویا مین گوله بولبول
مشکل دی کی آیری گوله کونلی قونا بیرده
ممکن دی کی یازدا پاییز اولسون قیشا دونسون
اولماز داها عاشیق گیره دوننان دونا بیرده
عشق داملاسی دامدی بو کونول بیر دنیز اولدو
مشکل دی آخار سئوگی ، دنیزده دونا بیرده
ممکن دی یاشیل بیر قوش اوچا عشوه نازیله
مشکل دی کی جانانه یئته اول سونا بیرده
کام آل کی صنم ، قیلمایاجاقدیر وفا دونیا
چاتماز بو ایکی گونلیق حیاتین اونا بیرده

ناهید طهماسب پور
دختر گرمای تابستان و شهریورماه ۱۳۵۶ شهر تبریز شهر اولین ها سرودن را با شعر سپید فارسی و ترکی اذربایجانی شروع کردم
کتاب مشترک سئوگی سوزی

اینانمارام بیرده سنه سئوگی‌یه،
بوراخ منی اوره‌ییمه گیرمه دای.
امانتین نه‌یین وارسا آل آپار،
کؤنلونو ده منده قوناق گؤرمه دای.

موتلولوغو هئچ قاپیمدا گؤرمه‌دیم،
گؤدی عؤمور کئچدی دردی غم‌ایله.
هئچ بیلمه‌دیم سوچوم ندی دونیادا،
بیر گونو ده سورونمه‌دیم دم ایله!

ساریلدی هئی حسرت منیم بوینوما،
قوجاغیمی بیر آن‌دا بوش قویمادی.
تامارزی‌یام شن‌لیک‌لره هر زامان،
گولن واختدا گؤزده کی یاش قویمادی.

گؤزلرینی تیکمه داها گؤزومه،
یادی یاخین گؤرن گؤزون وار سنین.
یاراشمادی کؤنلون منیم سئوگیمه،
اؤزگه‌لره گولر اوزون وار سنین.

جاویدپیراولاد(جاویدداوداوغلو )متولد هجدهم مهر ماه سال ۱۳۴۷ درتهران متولدشدم ودرسن ۵سالگی به همراه خانواده به شهرتبریز آمده ودرآنجا سکنی گزیدم ودیپلم اقتصادرادرشهرتبریز گرفتم.ازاوان کودکی علاقه وافری به شعروادبیات داشتم و شعر میخواندم.

الیمده توتورام

الیمده توتورام ایتی قلمیم
دفتریم اولوبدور ساواش میدانیم
گؤزلریمدن یاغیر دویغو بو گئجه
یا بلکه چیخاجاق بو گئجه جانیم

باغریما باساجام اَسن یئللری
یاندیریب تؤکه‌جم اوزگه دیللری
پوزاجام عؤموردن بو نیسگیللری
آلیشسا بیر دؤنه اورک وولکانیم

گئدیرم منده بو دؤیوشه، یولداش
توفنگیم سوسسا دا ووراجاقام داش
بو وطن یازیق‌دیر، یازیق‌دیر، کولباش
گرک‌دیر آخیدام تورپاغا قانیم

#بوراسی_قاراباغ_بوراسی_وطن
ال_اله گل وئرک، سن اول، بیر ده من
یابانجی اولماسین بیزه هر گلن
یاشا آی وطنیم، درده درمانیم

توپ، توفنگ، اؤلسم ده آلاجام سنی
مین دیلیم دوغرایا بو دوشمن منی
گرک‌دیر قایتارا سنـی ارمنی
گرک‌دیر سئوین‌سین آزربایجانیم
#یاشاسین_قهرمان_آزربایجانیم.
#جاوید داوود اغلو

 

شعری از دبیر شعر زبان ترکی (اقوام ایرانی)رسانه ایرانیان اروپا

پونه اصغر پور متولد شهر تبریز ،شهر اولین‌ها
شهری که نماد غیرت،اراده و شعر و ادب میباشد
که شاعری همچون شهریار را پرورش داده، مرا نیز در آغوش گرم مادرانه‌اش در بر گرفته است.
از همان دوران نوجوانی علاقه ای که به ادبیات داشتم به نوشتن داستان کوتاه و شعر شروع کرده ام،
ولی از سال۹۵ شعر فارسی را بطور جدی با نوشتن شعر آزاد شروع کرده‌ام که بعدها با نوشتن در قالب غزل که نمیشود احساستم را با زبان عامیانه بیان کرد را شروع کرده ام
خواندن اشعار ترکی چنان مرا مجذوب نمود که همواره آرزو میکردم روزی من هم بتوانم عشق و احساساتم را بنگارم که به لطف خدا موفق شدم
در زبان ترکی
قالبهای قوشما،گرایلی،مانی
و در زبان فارسی سپید دو بیتی رباعی مثنوی غزل نیز سروده ام.

کؤنلوم‌ده گیزلی قال گیزلی سیر کیمی،
یئل‌لر داغیتماسین سنین عطرینی!
گلیب-گئدن‌لردن قورخورام آخی،
قورخورام سئوه‌لر بیلنده سنی!

چیخیرسان شَهَره هامی بویلانیر،
باخیش‌لار آرخانجا دونور مات قالیر!
کئچیرسن هارادان او آن اؤنونده،
چینار بوی‌لولار دا ایکی-قات قالیر!

ائله قیسقانیرام جانیم آدینی،
اؤزگه آغیزلاردان ائشیدن آن‌لار.
آدینین سونونا “م” قویورام کی!
منیم اولدوغونو بیلسین‌لر اون‌لار.

ائله سئوه‌جه‌یم ائله سئوگیلیم،
منی گؤرمه‌یینه اوره‌یین اس‌سین!
عشق اولوب کؤنلونه آخاجاغام کی،
سئویرم دئمه‌یه دیلین تلس‌سین.

اؤلوم‌دن قورخورام قورخورام اینان،
اوره‌ییم تیتره‌ییر ال‌لریم سایاق!
آمما سن‌سیزلیک‌دن ائله قاچیرام،
دئییرم من اؤلوم گل آیریلمایاق!