معرفی شاعر:
نیکنام قوجه بیگلو
متولد سال ۱۳۳۷
کارشناس عمران
بازنشسته کشت و صنعت مغان
……………خوش گلر…………….
آچار قونجا گولون باهار گلنده
گولشنده بولبوله سفر خوش گلر
بویون سئور یاری سئیره چیخاندا
یارین نازین یاری،چکر خوش گلر
باغبان سئور باغدا گوللر آچاندا
یاسمنلر گوللو پرده ساچاندا
دسته قوشلار قانادچالیب اوچاندا
قدم آتیب باغی گزر خوش گلر
آغ بولودلار سوزوب گویده باریشار
ایلدیریملار گاهدا بیرده قاریشار
یاغیشلاری دامجی دامجی یاریشار
داغدان داشدان سولارسوزرخوش گلر
شلاله لر اوجا داغدان توللانار
قایالاردان شورران شورران ساللانار
آیاغدا گول دولوب داشیب یوللانار
باخان اوزه سرین دَئیَر خوش گلر
کوچ ایلییَر دسته دسته دورنالار
قانادلارین سریب دوزوب نازلانار
عاشیقلارین سازی تکین سازلانار
گویدن حزین سسله کچر خوش گلر
آداخلیلار حالال گوزده سئویشر
آرزولارین دئییب گولوب گوروشر
شرم وحیا اوزده-گوزده قوووشار
بیر-بیری ایله دئیَر گولرخوش گلر
“نیکنام”آرزولاییرخوش نییت سوزلر
کار اولسون شیطانین قولاغی ایزلر
آرزولار خیالدی ایستیین گوزلر
شیرین سوزلر اولسا خَبر خوش گلر
نیکنام قوجه بیگلو
*******************************
معرفی شاعر:
عدالت امّی (دومان)-ین بیوگرافی سینه قسابیر باخیش
۱۹۷۰-جی ایلده گونئی آذربایجانین قاراداغ بؤلگه سینده گیرده زال کندینده دونیایاگلدی.
حال حاضیردا عدالت دومان ۵کیتابین موللیفی دی،اوچواؤز شئعیرلریندن عیبارت اولان وایکی سی-
قوزئی آزربایجان شاعیرلری (نریمان حسن زاده وایلهام قهرمان)ین کیتابلاری. دومان ین ایندی یه کیمی قوزئی آزربایجان ین رادیووتئلویزیون وئرلیشلرینده موختلیف چیخیشلاری و قزئتلرینده چوخ سایداشئعرلری چاپ اولوبدو. آرتیرمالیییق کی قوزئی آزربایجان دا گونئی آزربایجان شئعری حاقداچاپدان چیخان موختلیف شئعر کیتابلاریندااو جومله دن سؤزکاروانی
،بوتؤولوک نغمه سی ودییرمانین آلت داشی کیتابلارینداچوخلو اثری اوخوجولاراتقدیم اولونوب
خاطیرلاردیم کی عدالت دومان بوایل یعنی ۱۳۹۴ جی ایلین خرداد آییندا باکی دا
دوکتور جواد هئیت مئدالینا لاییق گورونوب
عشقیمیز زامانین موقددس عشقی
اولونجه موقددس ساخلا مله ییم
ایللرین حسرتی چوخ یوروب سنی
باش قویوب سینه مه یوخلا مله ییم
سسیندی عومرومون سولماز بزه یی
سئوگیمیز دونیانین سئوگی اوءزه یی
سنده کی گوزللیک حاققین دوزه یی
همیشه گل اولاق حاقق لا مله ییم
بو دویغو یوخو سا اویاتما منی
نازین لا قلبیمی اوی آتما منی
نشعه یم بو حالدا ن آییلتما منی
آرا بیر دومانی یوخلا مله ییم
عدالت دومان
***************************
ارسال دیدگاه