نام کاربری یا نشانی ایمیل
رمز عبور
مرا به خاطر بسپار
حیدر بابایی متولد ۱٣٤۱ شهرستان ارومیه بازنشسته نیروی هوایی ارتش اولین کتاب ؛سوزلریم گلین چیخیر منتشر شده ودوجلد اشعار سربست واشعار کلاسیک وحجایی درحال انتشار می باشد. ماهنی من سیز سحرین صبحو بزندین خینا یاخدین تئله من سیز اورگین دن نئجه گلدی نئجه چیخدین چوله من سیز …………… آل چیچک لر دره سین ده اوجا داغلار سینه سین ده باغ لارین گول وعده سین ده نئجه باخدین گوله من سیز ……………... قیش گئدیب یازلا باریش دین بلبوله باغدا قاریش دین گولولن دئییب دانیش دین نئجه گلدین دیله من سیز …………… گوزومون یاش گیله سین ده اولومون جان هوسین ده آجی هیجران گئجه سین ده نئجه قالدین بیله من سیز یاشاییم من نئجه سن سیز . #حیدر بابایی
اوروج داداشی(ائلمان)،۱۳۵۶اینجی ایلینین شهریور آیی نین ۲۵گۆنۆنده یام یاشیل قاراداغین کلیبر ماحالی نین تازا کند کندینده آنادان اوْلموشام،
«هانی بس»
زۆلفو پریشان گؤزه لین، وئردییی مؤهلت هانی بس چوْخ تله سیر دار گۆنومه، رحم و مروّت هانی بس
منده کی وورغون اۆره یین، وار یوْخونو الدن آلیب سۆرگون ائدیب قه م چاغینا، سئوگی، محبّت هانی بس
تام گئجه نی صۆبحه قَدَر، یالواریبان آغلامیشام گۆندوز اونوتموش هامیسین، ائی بئله صؤحبت هانی بس
کیمسه چکینمیر داش آتیب، آلنیما یازسین آدینی بیر گۆلوشون دۆشگونویم، یوْخسولا حؤرمت هانی بس
یوْخدور الیمدن یاپیشیب، دردیمه درمان دیله ین یار قاپیسیندان قوْوولان، خسته یه فۆرصت هانی بس
گؤز یاغیشین دامجی سی تک، گۆل یاناغین اۆسته دۆشن یار تری نین مئی مزه سین، دادماغا خلوت هانی بس
سئوگی سیناقدیر بیلیرم، قوْرخوسو یوْخدور جانیمین کؤنلۆمو روسوا ائله ییب، اورتادا عیللت هانی بس
چیلله ساچیندا یاییلان، ظۆلمته کؤنلوم بۆرونوب آغ گۆنه شین چیخماسینا، بیر داها جۆرعت هانی بس
قه مده یاتیرمیش آدیمی، شنلییی مندن قاچیریب درده دۆیون دۆشمه دی یم، آچماغا قودرت هانی بس
آرزیلاریم دؤندو کۆله، قوْپدو جهنّم من اۆچون من یازیغین حؤکمونه باخ، قوردوغو جنّت هانی بس
آیریلیغین یوْل – یوْلاغین، ائتدی آخار گؤزلریمه بیرده سوْروشدوم کی دئسین، یازدیغی قیسمت هانی بس
قیردی اتکدن الیمین، ایلگه یه دۆشموش اومودون ائلمانا قالسین نه دئییم، سئوگییه قیمت هانی بس
#ا.د.ائلمان
تهیه:پونه اصغر پور تنظیم:رامک تابنده
این مطلب بدون برچسب می باشد.