نام کاربری یا نشانی ایمیل
رمز عبور
مرا به خاطر بسپار
یوخ هئچ قصور حیکمتینده، خالیق سبحان-ا باخ، عرش-ی- فرشین گردیشینده، گوندوز آچان دان-ا باخ، خالیق-ی سُبحان-ا باخ. کیملر ائنیر، کیم اوجالیر، کیم تئز اؤلور، کیم قوجالیر، کیم ال توتور ،کیم باج آلیر، دوشون، دَیقه ،آن-ا باخ ، خالیق-ی سُبحان-ا باخ. کیملرسئوینجیندن گولور، کیملر گوُر آجیندان اؤلور، کیملر تاختیندان تؤکولور، شاه ،سولطانا، خان-ا باخ […]
یوخ هئچ قصور حیکمتینده،
خالیق سبحان-ا باخ،
عرش-ی- فرشین گردیشینده،
گوندوز آچان دان-ا باخ،
خالیق-ی سُبحان-ا باخ.
کیملر ائنیر، کیم اوجالیر،
کیم تئز اؤلور، کیم قوجالیر،
کیم ال توتور ،کیم باج آلیر،
دوشون، دَیقه ،آن-ا باخ ،
کیملرسئوینجیندن گولور،
کیملر گوُر آجیندان اؤلور،
کیملر تاختیندان تؤکولور،
شاه ،سولطانا، خان-ا باخ ،
خالیق-ی سُبحان-ا باخ .
ائی اوکی ناغافیل اولان،
اوره یی کین ایله دولان،
ملک لر ده سجده قیلان
سن اوخو ، قورآن-ا باخ،
نه فیکر ائدیب، سارالیبسان،
بوغولوبسان ،قارالیبسان،
گوُر بیر نه دن، یارانیبسان،
روح-ا ،جیسمه، جان-ا باخ،
“قوجابَیلی قیزی ” ، یانیر،
یارادان یاری وار، تانیر،
کیم کی، حیکمتی یوخ سانیر،
یوسیف ایکن ،آن-ا باخ ،
خالیق-ی سُبحانا باخ.
گلشن قوجابیلی قیزی پارسآباد موغان شهریندن
آخشام‌لار شهره چیخا بیلمه‌ییر،
خییاوان بویوندا اوره‌یین یئییر!
بیری‌سی گئینده یئنی پالتارین،
بو اوشاق یاماق‌لی پالتارین گئییر.
یئتیم‌لر کیمی‌دیر ویترین اؤنونده،
مانکنه مین لعنت اوخویور آنجاق.
او گئین پالتاری سئون بیر اوشاق،
زهله‌سیز شهرده اولور اویونجاق.
توکان‌دان – توکانا سوروین آرزو،
قهرلی کؤنلونده تؤکولور کال – کال!
بیر آیاق سورونور ائوینه ساری،
بیر آیاق یالواریر گل بیرآز دا قال.
ایچینه آغلاییب بوغولمادادیر،
بیر آغیر سئکانسی کیم یازیب بونا؟!
اولوبدور یازیغین بئینی قاپ – قارا ،
کات دئییب سون وئرین بئله اویونا !
آخشام‌لار شهره چیخسا دا بئله،
ایچینده اومودون اؤلدورور چیخیر!
بیر اوشاق قانلی‌دیر آرزولارینا!
ویترین‌لر اؤنونده تک دورور باخیر.
#شهرام_رستمے
درد و غمیم دِدیم داشا یرده کی داشلارآغلادی
اوجالدی گولره سسیم گوده کی قوشلارآغلادی
یازدی فلک طالعیمه غملی قراننوخ گجه نی
اوت چکیلیب دفتریمه گوزده کی یاشلار آغلادی
گوده بولوت همدم اولوب گوز یاشینی قاتدی منه
گوزلرینه سورمه چکن کامانلی قاشلار آغلادی
آینه چوخ طعنه ویریب تز آغاران ساچلاریما
درک الیین مصیبتی بلالی باشلار آغلادی
آلدی قلم تا الینه یازدی گنه سنگ صبور
دردیمه چاره تاپمادیم هامی یولداشلار آغلادی
جوادالماسی(سنگ صبور)
گوزوم قالئیب گوزلیم غنچه تک دوداغلاردا
یئتیشمیش آلما کیمی قئرمزی یاناغلاردا
گوزون فداسی منی انتظاردن قورتار
نه ائتمیشم کی گئدیب قالمئسان اوزاغلاردا
منم او بولبول نالان کی اوز گولوندن اوتور
فغان ائدیر دولانئر باخچالاردا باغلاردا
یادئندا وار اوجادان سسله دیم سنی سئویرم؟
گولوم، اوسس، هله ده سسله نیر قولاغلاردا
بیر اود دوشوب جانئما یاندئرئرزبانه چکیر
او اود کی یانمییاجاق هئچ زمان اوجاغلاردا
اسیر زولف اولانئن قلبی پارچالانمالئ دیر
بو سرری گوردوم او زولفونده کی داراغلاردا
اوزون کی گلمییجک سن خیالیوی گوندر
انیس و همدم اولا منله غملی چاغلاردا
جمالیوین ایزینی قئز گلیندن آختارئرام
کی بلکه عکسی قالیب آینالی بولاغلاردا
بوقدر آیریلیقین بسدی راضی اولما فروغ
سنین دالینجا دولانسئن دومانلی داغلاردا
اصغر علیپور( فروغ)
این مطلب بدون برچسب می باشد.