نام کاربری یا نشانی ایمیل
رمز عبور
مرا به خاطر بسپار
۱- یاماجلاری یاشیل داغلار
چیچک گوله تاماح باغلار
کونول قوشو اوچار یئنه
الی چاتماز باخیب آغلار
داغدی وئرن روح بدنه
آدام دوشه نمه چنه
یاغیش یاغا ایسلانا جان
یاشام یارا دا بدنه
من عاشیقام داغا داشا
داشلار سودا خاریلداشا
سازاق گله دومان اولا
جیسمیم اونلارلا اویناشا
داغدا قالیبدی گوزله ریم
آغیزمدا قالدی سوزله ریم
فلک سالیب گورنه حالا
تابدان دوشوبدو دیزله ریم
حاییف دوشدوم آیاقلارا
یئرسالمیشام یاتاقلارا
یئر گوی منه قیسقاندی می
گوزوم باخیر اتاقلارا
دیزجلی شهریار
_________________________________…_____________________
۲_یعقوب نیکزاد
گؤزله‌مه‌دی بیر گیله‌لیک یوخوسونا گیریم، گلیم
مورگولریمدن آییلیب، رؤیامی گؤستریم، گلیم
هله گؤزون اوغورلاییب، گولوشونه قاتیلمیشام
نغمه‌لریندن قوپاریب، بیر ایکی تئل دریم، گلیم
گلین دونوندا گیزله‌دیب اولان، قالان گؤزللییین
قویمادی کؤلگه‌سینده‌ده قورو عؤمور سوروم، گلیم
گؤزلری اوستوموزده‌سه، یئنه دیدرگینیک بو گون
آجی، شیرین خاطیره‌نی اؤزونه گؤندریم، گلیم
بیر گونه چیخمادی اؤزو، قارانلیغا قیناندی هئی
آستاناسی اسیر گئدیب، ایندی هارا دوروم، گلیم؟
منده یاتان دوشونجه‌لر دیکسینیب، آغلاییر هله
قویمادی کی بوکؤرپه‌نی بیر آن امیزدیریم، گلیم
گولله‌له‌نیب اومودلوغو، گیزیلده‌‌دیکجه قویمادی
ال اوستو او اومان، کوسن گؤیلونو تئز گؤروم، گلیم
اوره‌یینین کسییی‌یم، منده ایچین دؤیور آدی
سؤزلریمین تؤکونتوسون دوداغینا هؤروم، گلیم
ایندی او یوخدور آللاهی بوردادی، من سؤز گلیمی؛
چیرمالاییم قوللاریمی عشقینه سؤز وئریم، گلیم
#یعقوب_نیکزاد
_______________________________________…______________
من «فیروز رحمانی»، ۱۳۶۱جی گونش ایلی، «مشکین‌شهر» ده آنادان اولموشام.
اوستاد «سلیم زحمت‌دوست» جناب‌لاری ایله تانیش اولاندان سونرا، مشکین‌شهر شعر و ادبیات درنه‌یی ایله ایلگی‌لندیم.
ادبیاتا وورغون اولدوغوم اوچون،
شعرلریمین بیر چوخو قزئته‌لرده چاپ اولونوب. یاخین ایل‌لرده چالیشمیشام شعر درنک‌لرینده آردیجیل حضور تاپماق و آدلیم شاعرلرله گؤروشمک‌له، حرفه‌ای اولاراق شعر دئمه‌یه اوغراشام. ایندیلیکده کلاسیک و سربست سبک‌لرده شعرلریم وار.
تانریم بیزه بؤیوک سن
بویور یوخاری باشا
دوردوم سن اَیلشه سن
یئریمه سن اول پاشا
بو یولو من می سئچدیم؟
سنین ده تاماهین وار
یولومو چاشمیشام سا
سنین ده گوناهین وار
هئی دوغولوب اؤلوروک
باشا چاتمیر هله یول
تانری ایلنجه سینده
یاددان چیخیب بیزیم رول
توستون توتوب دونیانی
گؤز گؤزو سئچه بیلمیر
مزارین اوتایینا
کیمسه ساغ کئچه بیلمیر
سنین باشین قال اولدو
دونیانی سئل آپاردی
سن یازدیغین رومانا
آداملار ال آپاردی
دور چیخ حیطه تانری
عئینین آچیلسین بیراز
دونیانی واراقلاییب
یئنیدن بیر رومان یاز
فیروز رحمانی
____________________________________…______________________
سنلی_منلی بیر جان‌ایدیق یادیندا؟
ووصال اؤزۆ بیزه گیجیک ائدردی
کؤنلۆنده نازیمی اؤزۆم چکردیم
بئینیم خیالیندا هوشدان گئدردی
سنلی منیم، اوندا شاه‌لیق ائدردی
هؤیۆشنه‌لی گئجه اوچون یاد ایدیم
سن منی یاشاما روحلا باغلایان
منسه حیاتینین شیرین داد ایدیم
ایندی او گۆنلرین حسرتینده‌‌یم
بیزه یا گٶز دَیدی، یا کی نه اولدو
بیز کی ایلقار قویوب، وفا ائتمیشدیک
نه اۆچۆن یئرینه آیریلیق دولدو!
سارالیرام پاییز_پاییز عشقینی
چیچکلی‌ییم گل‌کی سنه باغلی‌دیر
یولداش اولوب، منسیز گئدن سن‌ایله
من عاشیغین سنی سئون عاغلی‌دیر
یاشاییرام ایندی بیلسن نه حالدا
سن اؤزۆن، اؤزۆنۆ باغیشلامازسان
قاییدیب گؤرسن‌کی نه‌لر چکیرم
آیاقلا قلبیمی قاریشلامازسان
قاییت؛ گئدیشین‌له سئون قلبیمی
نه اۆز دردین‌ایله نه ده چک دارا
حسرت‌ایله یانار اودا یانینجا
گۆله_گۆله قوشا کؤچَک مزارا.
#مریم_گؤزلی
__________________________________…________________________
اۆرگیم عشقینله چیرپینیر هرآن
ائللرینه جانیم قوربان وطنیم
دولودور ضفرله هر گۆنۆن، آیین
ایللرینه جانیم قوربان وطنیم
داغلاری، آرانی، چمن، مئشه‌سی
جنّتدن پای آلیب هر بیر گوشه‌سی
مین دردین درمانی آخار چشمه‌سی
گؤللرینهgöl جانیم قوربان وطنیم
باغلارین گۆل‌چیچک، داغلاریندا قار
اؤز یارینا جاندان کئچر بوردا یار
سینه‌ن اۆسته ایگیدلرین ایزی وار
چؤللرینه جانیم قوربان وطنیم
أسمه‌ییب تاریخده هئچ‌زامان دیزین
قهرمانلار گئدن یولدور بو ایزین
مست ائدیر قوخوسو باغدا، نرگیزین
گۆللرینه جانیم قوربان وطنیم
سنده قالان دۆز یاشاسا، یۆز یاشار
قاینار محبّتین قلبیمده جوشار
بولاقلارین شیمشک کیمی چاخناشار
سئللرینه جانیم قوربان وطنیم
سنده واردیر مین مؤعجیزه، مین هۆنَر
هر نه‌یین گؤزلدیر جانیما سینَر
یازدا توپراق نغمه قوشار، داش دینَر
دیللرینه جانیم قوربان وطنیم
مئشه‌نی قورد آلسین، داغینی دومان
سئوگینله ایلهامیم جوشور هرزامان
سندن آیری یاشاماقدان اَل‌آمان
اَل‌لرینه جانیم قوربان وطنیم.
_________________________پونه اصغرپور _____________________
زانا کوردستانی / عصر دیروز "رسول محمدیان" خواننده‌ی اسفراینی، در منزلش درگذشت.
زانا کوردستانی / کرسی جوان ترین استاد ریاضی دانشگاه زوریخ به ریاضی‌دان شهر سقزی رسید.
لیلا طیبی / نام و تصویر «علی رهبری» آهنگساز و رهبر بینالمللی ارکستر ایرانی در مجموعه اُپرای مارینسکی سنت پترزبورگ روسیه ثبت شد.
زانا کوردستانی / فیلم سینمایی «گیجگاه» به کارگردانی عادل تبریزی و تهیهکندگی حنیف سروری و میرولیاله مدنی از جشنوارهی روسیه جایزه گرفت.
چوخ گوزل، الله قوت ورسین❤❤❤