نام کاربری یا نشانی ایمیل
رمز عبور
مرا به خاطر بسپار
آرزولار توتمادی باش، دور یئنه باش چک یاراما
داشلیغا گیردی عؤمور، یئتمه‌دی کؤیرک یاراما
سوواشیب پنجره‌مه کؤکلو قارانلیق هاواسی
بیر اودوم قانلی نفس اولمادی دستک یاراما
وطنین داغلارینا دیل اودورام‌سا، یئنی‌دن
هره بیر سیخما دوز آتدی، ایکی بؤیرک یاراما
آتیلان اوخ گئری دونمز، سزیرم ایسته‌یینی
قارا قانچیل بولودو تؤک گؤزومه، اک یاراما!
اؤز یئرینده قوجالا بیلمه‌دیم آه، آه! فلکین
اوره‌یی قیزمادی، هئی سوزدو اؤلوم تک یاراما
داغی دومسوکله‌دی زینگیلتی آهیم، جان‌دردی
دوشدوسه قارقا قوناق‌لیق‌لاری جمدک یاراما
شعریمین آل یاناغین سسلر اؤپوبسه، اودو کی
باغلانیبدیر بایاتی، اوخشاما گؤیچک یاراما
سن گولوشلرله قونوش! باخما من آغلامسینیرام
تئلینی کؤلگه‌له، هؤر ! بیر نئچه کؤینک یاراما
#یعقوب_نیکزاد
******************************
ناهید طهماسب پور
گوزومون ایشیقی هارداسان جانیم
هیجرانین کونلومی آلیب یانیرام
گیزلیجه اوجالیر گویه فریادیم
آمما من بو غمی ائلدن دانیرام
هر آخشام داریخماق اولوب همدمیم
آیریلیقدان باشقا یوخدوی هئچ غمیم
غمیله ، آهیله کئچیر هر دمیم
اوزوم اوره گیمدن چوخ اوتانیرام
بو نئجه طالعدیر یازیلیب منه
آغلایا آغلایا یالواردیم سنه
سن گلن دئیلسن بیلیرم یئنه
قاپیم دویولنده سن سن سانیرام
تهیه:پونه اصغر پور
تنظیم:رامک تابنده
این مطلب بدون برچسب می باشد.