نام کاربری یا نشانی ایمیل
رمز عبور
مرا به خاطر بسپار
اکبر نعمت زادگان انزانی متولد ۱۳۵۷ از شهرستان مشگین شهر تخلص ( قارتال خیاوی )
عشقین سونر اولدوزلاری کام الماقا گلدی بخت انلادی غم دیر قوناقیم قالماقا گلدی
دوسلار توپالاشدی باشیما خوش گونوم اولسون هیجران بورودو گون قاباقین چالماقا گلدی
قیشدان چیخان عمروم تازا ایستیردی گوورسین دوندوردی سویوق گل چیچگی سولماقا گلدی
یالواردیم آی اللاه منه قیسمت ائله بایرام چن باشلادی دوتقون اورگیم دولماقا گلدی
گوز دولدی دوداق تیتره دی دیل شیش دی هورولدی اسدی قارا یئل قلبیمه غم سالماقا گلدی
دینجلدی فلک چوکدی دیزیم قدیم اگیلدی آلدی الینه بالتاسینی بولماقا گلدی
قان سوزمه گه یول تاپمادی باسدی داماریمدان غساله یازیق قانلی گوزو سیلماقا گلدی
من جانیله جانانی سئویردیم ائله قارتال شعر ایلدین عالم حالیمی بیلماقا گلدی
اکبر نعمت زاده ( قارتال خیاوی)
او آجی یوللاری تئز باشلانیشیندان بیلدیم بولاغین دردینی عطشان چیخیشیندان بیلدیم
گؤزلرین گزدی، بوتون گوردوگونو آختاردی اوز توتوب گئتمه‌یینی آختاریشیندان بیلدیم
عشق لیلا ایدی مجنون گؤزونه داغ چکدی دلی سئودانی پریشان باخیشیندان بیلدیم
بیر قارانلیق گئجه‌ده قان جالادی تئللی بولود اودلو حسرتلری شیمشک چاخیشیندان بیلدیم
قار، قیروولو قیشا دؤندو قوجاغین آخشاملار بوسویوق اؤلکه‌نی دای قار یاغیشیندان بیلدیم
آیاق آلتیندا ازیلدیک جه دیدیلدی فیکریم خزل آلمیش باهاری قار قامیشیندان بیلدیم
آخدیغیندا یتیمین گؤز یاشی آیدین اولاراق ایچینین دردینی گورجک آخیشیندان بیلدیم
گؤز آغارتدیم فلکه، بلکه گؤزل یازدی بیزی من ناغبل خالچاسینی آغ ناخیشیندان بیلدیم
گوز گؤزه اولدوغو آندا داشا چیخدی هدفیم او آجی یوللاری تئز باشلانیشیندان بیلدیم
#تبسم_رضازاده«شدتی» #نیلوفرآبی
تهیه:پونه اصغر پور تنظیم:رامک تابنده
این مطلب بدون برچسب می باشد.