نام کاربری یا نشانی ایمیل
رمز عبور
مرا به خاطر بسپار
اکبر باباپور میانه ۱۳۶۶/۱۰/۲۰ رمان برگ ریزان
من_و_سن
من و سن بیرده او گونلر اولاجاقدیر بیز اوچون یوخسا ساغرلره « آغو » دولاجاقدیر بیز اوچون
من ده ، تبریز ده اینان گؤرمه لیییک بیرده سنی « گؤی مچید » گؤی دن آیازلیق آلاجاقدیر بیز اوچون
بیر قوجاق خاطیره وار بوردا ، هله من دئییلم او کی خاطیرلریمیزده قالاجاقدیر بیز اوچون
سنی سئودیم! سنی سئودیم! سنی سئودیم ! دئمه لی ، سئوگیلر سئوگیمیزه ال چالاجاقدیر بیز اوچون
ایچریمدن منی چوخ دویغو گوجو سیلکه له ییر آرامیزدا او مگر یول سالاجاقدیر بیز اوچون
تانری گلدی نئچه « نور قلبی » آییردی اؤزونه او اورکلرده نامازلار قیلاجاقدیر بیز اوچون
ایندی « سن »، « تانری » و « من » بیر یووادا دینجه لیریک نه قده ر گول آچاجاقدیر ؛ سولاجاقدیر بیز اوچون!
#اکبر_باباپور
سعیدپاشا آذربایجانلی اردبیل بولگوسو ۲۵یاشیندا
آتا
آتادیر ائولادین آرخا دایاغی هرزامان دا اوزو آغدی آتانین یئر اوزونده اودور رحمت اوجاغی کؤنلو میوه لی بیر باغدی آتانین
قوجالسا آتانی حمایت ائیله قوجاقلا بوینونو محبت ائیله اوپ الین آیاغین زیارت ائیله نه قدر عؤمرو وار ساغدی آتانین
کیمدی بو دونیانین دولتی واری ایگیدین داماردا قیرتی آری لعلی جواهیر،دِئ،قیزیل میرواری آلنین دا تر کیمی یاغدی آتانین
دانیشدیر سن اونو محبتیلن خطرینی ساخلاییب چوخ حورمتیلن سئویندیر اورگین سخاوتیلن قم یوکو بئلین داغدی آتانین
#سعیدپاشا
کؤهنه دوست اولاق
اوتانجاق باخیشین، تیترک سؤزلرین، قورسون اوره‌ییمده صحنه دوست اولاق. دوستلوق مقدرس‌دیر، دوستلوق ذیروه‌دیر، وارمی بوندان بؤیوک ماهنا دوست اولاق؟
دوست اولاق آزالسین چیینیمیزده یوک، چؤکسون اؤنوموزده هر گدیک، هر دیک، دوستلوغا مخالیف سؤز- صحبتی بوک، سن آلله سؤیلمه: «ائه نه دوست اولاق».
نه نیسگیل بورونک، نه کدر گئیک، عؤمور باغچاسیندان سئوینج در گئیک، گل سن بو دوستلوغو او قدر گئیک- اؤتسون آیلار- ایللر کؤهنه دوست اولاق.
#سخاوت عزتی
خیردا خیردا نارین نارین کئچدین اله ییمدن گئتدین حزین حزین یاواش یاواش قوپدون اوره ییمدن گئتدین
چوخ یالواردیم گئتمیه سن باغریمی قان ائتمیه سن باشقا یئرده بیتمیه سن اندین کوره ییمدن گئتدین
هی قوخلادیم گوللریوی تومارلادیم تللریوی بوراخمیردیم اللریوی چکدین بیله ییمدن گئتدین
داش قویمادین داشیم اوسته سو چیله دین یاشیم اوسته یاشییردین باشیم اوسته دوشدون اته ییمدن گئتدین
دونیامییدین واریمییدین بیر ایستکلی یارییمیدین گوله قونان آرییمیدین چیخدین پته ییمدن گئتدین
قیغلامادین قالان کیمین یالان اولدون تالان کیمین بیر زهرلی ایلان کیمین چالدین امه ییمدن گئتدین
سن قایانی چالیب ساچدین نیه گئتدین ندن قاچدین بیر قوش کیمین قاناد آچدین اوچوب دیله ییمدن گئتدین
#قایا
تهیه و تنطیم :پونه اصغر پور
دبیر شعر اقوام ایرانی (ترک زبان) رسانه
این مطلب بدون برچسب می باشد.